Violinisti Vasko Vasillev është ndër muzikantët, që kanë popullaritet në mbarë botën. Ai është koncertmjeshtri më i ri në historinë e Operës Mbretërore “Kovënt Gardën” në Londër. Kur zuri vendin e mjeshtrit violinist në këtë orkestër ishte mezi 20 vjeçar.
Prapa çdo muzikanti të suksesshëm qëndron të paktën një mësues. Mirëpo, Vasko Vasillevi kishte disa. Në fillim ishte familja e tij, që përbëhej prej muzikantësh. Kur u bë 10-vjeçar mori një bursë shtetërore, në sajë të së cilës nisi të mësojë në Shkollën Qendrore Muzikore pranë Konservatorit të Moskës. Për ato vite muzikanti kujton:
“Kisha një mësues të mrekullueshëm të violinës në Shkollën Muzikore në Sofje – Trendafill Millanov. Pas kësaj i ati im, i cili ishte violinist, filloi të punojë me mua. Isha nxënës privat dhe dy gjyshet e mia gjithashtu më arsimuan. Njëra më jepte mësime të gjuhës bullgare dhe letërsisë, ndërsa tjetra – të biologjisë. E ëma, e cila është pianiste, shoqëronte ekzekutimet e mia deri në moshën 20 vjeçare. Kështu që familja luajti një rol të madh në formimin tim. Edhe violinistja e njohur bullgare Dina Shnajderman më ndihmoi në formimin tim si muzikant. Ajo më dha shansin e parë të japë një koncert të madh në sallën e kryeqytetit “Bëllgarija” bashkë me një muzikant të tillë të mëdhenj siç ajo. Vitet e para në Moskë vetëm merresha me përsosjen e teknikës. Kur mbusha moshën 16 vjeçare nisa për në Londër, ku takova artistë të mrekullueshëm dhe prej të cilëve mësova shumë.”
Përveç koncert mjeshtër ai është edhe producent krijues në Operën Mbretërore. Në saj të ideve dhe përpjekjeve të tij u realizuan një sërë projektesh jo tradicionale për këtë gjini. Lidhur me këtë ai shpjegon:
Pasi jeton prej aq shumë vitesh jashtë shtetit si Vasko Vasillevi e pranon atdheun:
“Për mua Bullgaria është gjithçka. Rrënjët e mia janë këtu. Pothuajse në mbarë vendin kam të afërme – në Sofje, në Bullgarinë Veriore, në Rodopet. Gjëja e parë, që del në imagjinatën time, kur mendoj për vendin është natyra. Mund të them, se ndonjë vend më të bukur se sa Bullgaria nuk ka. Dhe ndoshta nuk është e rastit, se Zoti e ka ruajtur për veten këtë pjesë të botës.”
Përgatiti në shqip: Svetllana Dimitrova
Më 6 nëntor në sallën "Bullgaria" në kryeqytetin e Sofjes publiku bullgar do të ketë mundësinë të shijojë vepra pak të njohura të interpretuara nga muzikantë të shquar. Variacione mbi një temë nga Frank Bridge, op. 10 – një vepër e hershme e Benjamin..
Një nga këngët më të bukura të përjetshme të Bullgarisë është "Perëndo, perëndo, o diell i ndritshëm". Besohet se ekziston si një melodi për të paktën pesë shekuj. Në vendin tonë kënga ka popullaritet me një tekst që mund të gjendet në përmbledhjen e..
Plovdiv Jazz Fest feston këtë vit ditëlindjen e tij të dhjetë me një program, verën dhe vjeshtën, ku marrin pjesë disa nga emrat më të mëdhenj të botës së xhazit. Edicioni i vjeshtës do të mbahet në qytetin e dytë më të madh në Bullgari - Plovdiv,..
Vranësira
Vranësira
Reshje intensive