“Folklor pa kufi” – koncert prej autori i Marek Djakovit

botuar më 15-05-13 1.00.MD

Foto: marekdyakov.com

Kompozitori Marek Djakov do të ketë një mbrëmje prej autori. Veprimtaria është pjesë e nismës “Klasa e mjeshtërve për rilindës” të rrjetit Kombëtar të Arsimit Joformal. Ky rrjet, që u krijua në vitin 2013, bashkon njerëz dhe organizata, që synojnë të afirmojnë të ashtuquajturën “Arsim joformal” si një pjesë e natyrshme e sistemit arsimor kombëtar. Veprimtaria koordinohet nga Qendra e Studimeve Interdisciplinare dhe e Inovacioneve në Arsimin Joformal pranë Universitetit të Sofjes “Shën Klimenti i Ohrid”. Ideja është të mbështeten personalitete dhe projekte, të cilët prezantojnë arritjet e shpirtit popullor.

“Tone, ku u zhduk motra jote”, int. Ivelina Dimova

Update Required To play the media you will need to either update your browser to a recent version or update your Flash plugin.

Më shumë hollësi për koncertin sjell Marek Djakovi: “Klasa e mjeshtërve për rilindës” organizohet në partneritet me Pallatin Kombëtar të Fëmijëve në Sofje. Është një nder i madh për mua ftesa të prezantoj veprat e mia prej autori. Në program ka kompozime të krijuara mbi bazë folklorike. Në fakt ky është në thelbin e kësaj nisme – të prezantohen autorë, që ruajnë traditat bullgare. Ndër pjesëmarrësit janë disa grupe dhe interpretues, me të cilën bashkëpunoj prej vitesh. Ata janë fëmijët e Ansamblit të Vallëzimit “Bëdniçe” pranë Pallatit të Fëmijëve, Ansambli i Vallëzimit “Bëllgarani”, këngëtarja popullore Ivelina Dimova e të tjerë. Si autor punoj me grupe të ndryshme. Jam drejtues i Ansamblit më të vjetër folklorik në vend “Goce Dellçev”. Në fund të muajit maj do të shënojmë përvjetorin e 70-të të themelimit të tij.”

“Folklor pa kufi”, Orkestra Popullore pranë Akademisë së Artit Muzikor, Valltar dhe Figurativ në qytetin Pllovdiv

Update Required To play the media you will need to either update your browser to a recent version or update your Flash plugin.

Biografia e kompozitorit Marek Djakov ka të bëjë plotësisht me artin folklorik. Ai lindi në Bullgarinë Jugperëndimore, por riti në qytetin piktoresk danubian Silistra të Bullgarisë Verilindore. Filloi si valltar në Ansamblin “Dobruxha” të qytetit Dobriç. Dalëngadalë mësoi t’i bie fizarmonikës. Ka dhënë shumë koncerte. Është themelues i shkollës së fizarmonikës në Pallatin Kombëtar të Fëmijëve. Mbaroi Universitetin e qytetit Veliko Tërnovo. Vite me radhë punonte jashtë shtetit. Gjatë kësaj periudhe formoi Korin “Rodoljubec” në Moldavi. Me këtë kor ai ka fituar shumë çmime të konkurseve dhe festivale ndërkombëtare.

Përgatiti në shqip: Svetllana Dimitrova

Последвайте ни и в Google News Showcase, за да научите най-важното от деня!

Ndaje

“Folklor pa kufi” – koncert prej autori i Marek Djakovit

Më shumë nga rubrika

“Magjia” një këngë për marrëdhëniet romantike tashmë të harruara

"Të mos jemi vetëm" – një këngë me mesazh të fortë

"Biljana e bukur"