Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

A do të lëkundet rajoni i Ballkanit nga tronditja politike e Turqisë?

БНР Новини
Foto: EPA/BGNES

Për herë të parë që është në pushtet (nga 2002-ta) partia islamo-konservatore e Presidentit të Turqisë Rexhep Erdogan e humbi shumicën e plotë parlamentare. Partia për Drejtësi dhe Zhvillim (AKP) fitoi vetëm 40.8 për qind. Rezultatet e zgjedhjeve nuk janë në favor të Erdoganit, i cili ishte i përkushtuar vetëm në një kauzë – ta kthejë Turqinë në republikë presidenciale.

“Këto zgjedhje ishin si një votë-referendumi “pro” apo “kundër” modelit të Erdoganit”, i cili gjeneronte pushtet, komenton drejtori i Institutit të Ekonomisë dhe Marrëdhënieve Ndërkombëtare, z. Ljubomir Kjuçukov. – Pavarësisht sukseseve ekonomike e sociale gjatë 10 viteve të para të pushtetit, modeli i Erdoganit gradualisht filloi të shteret, ndërsa ndikimi i presidentit – të gërryhet”.

Rezultatet e zgjedhjeve parlamentare në Turqi sollën dhe po ashtu surpriza. Partia Demokratike e Popujve (HDP), e themeluar gjatë 2012-ës, grumbulloi 10 për qind, aq sa duhet për të hyrë në Parlament. Kjo parti bashkon si social-demokratët, ashtu dhe një sërë organizatash pro-kurde.

Çfarë do të ndodhë në Turqi – zgjedhje të reja, qeveri e koalicionit ose qeveri e pakicës?

Ljubomir Kjuçukov“Është e mundur të ndodhë secili nga variantet, shpjegon z. Kjuçukov. – Ndryshe nga fushata parazgjedhore, kur të gjitha formacionet politike i besonin mesazhit “anti-Erdoganit”, tani koalicioni i të gjitha partive kundër Partisë për Drejtësi dhe Zhvillim (AKP) duket po thuaj se i parealizueshëm. Sepse dy nga partitë vështirësisht do të pajtoheshin me njëra-tjetrën. Këto janë partia nacionaliste e së djathtas dhe partia pro-kurde e së majtës. Megjithë se tri partitë në opozitë e refuzojnë skenarin e ardhshëm të qeverisë së koalicionit me partinë e Erdoganit, ky skenar nuk duhet të nënvlerësohet. Shumica e analizatorëve janë të mendimit se qeveria e pakicës është një variant i realizueshëm.”

Ruajtja e stabilitetit politik në Turqi është me rëndësi kyçe si në shkallë ndërkombëtare, ashte dhe në raportet dypalëshe Bullgari-Turqi. Mos harrojmë se vitet e fundit pikërisht Turqia fitoi pozitën e liderit rajonal dhe u bë faktor global në çështje të rëndësishme ndërkombëtare. Për Bullgarinë është me interes që Turqia të formojë shpejt qeveri të re, e cila qeveria të bëjë një politikë të jashtme, të qartë e të vazhdueshme.

“Sferat të cilat përbëjnë interes për zhvillimin e raporteve Bullgari-Turqi nga pikëpamja bullgare janë shumë, thotë z. Kjuçukov. – Pas vitit 2010 patëm një etapë kur ndiqnim më tepër interesin turk, përfshi duke u mbyllur Drejtoria e Çështjeve të Ballkanit në MPJ. Bullgaria sikur hoqi dorë nga pozita e saj aktive e politikës së jashtme të Ballkanit. Kohët e fundit vërehet një lloj ndryshimi, por më tepër në reduktimin e kontakteve dypalëshe, se sa në aktualizimin e rendit të ditës. Patëm dhe disa vite ndërprerjeje të instrumentit kryesor të negociatave diplomatike me Turqinë, dhe ky ishte Komisioni i Çështjeve të Pazgjidhura, i themeluar më 2008. Sot funksionimi i këtij Komisioni u rifillua dhe puna e tij është më intensive. Një objekt diskutimi përbëjnë problemet me refugjatët e Trakisë, pronat e Eksarhisë Bullgare, të drejtat sociale, çështjet energjetike, statuti i lumit Rezovska, transmetimet e radios. Pra, një sërë çështjesh, të cilat dy vendet i kanë obligim për t’u zgjidhur. Temat aktuale të raporteve Bullgari-Turqi janë energjetika, siguria, bashkëpunimi në Detin e Zi, dhe jo më pak refugjatët për të cilët u bë fjalë. Çdonjëri nga çështjet e lartpërmendura nënkupton bashkëpunim aktive në mes të dy vendeve.”

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Edi Rama

Ngjarjet me adresë ballkanike

Inteligjenca artificiale do të luftojë korrupsionin në prokurimet publike në Shqipëri Shqipëria është bërë vendi i parë në botë që emëron si një ministër inteligjencën artificiale, shkruan faqja e internetit politico.eu. Anëtarja..

botuar më 25-09-12 7.20.MD
Ahmed Dogan

Ahmed Dogan krijon një parti të re

Pas përçarjes në DPS (Lëvizjen për të Drejta dhe Liri) Ahmed Dogan krijon një parti të re. Emri i projektit të ri politik të tij është "Aleanca për të Drejta dhe Liri". "Kemi një projekt të ri. Sot u mbajt mbledhja themeluese, e cila duhet të..

botuar më 25-09-11 6.09.MD
Ministri Georg Georgiev

Ministri i Jashtëm Georg Georgiev: Konsultimet e kërkuara të NATO-s nuk nënkuptojnë luftë

Aktivizimi i Nenit 4 të Traktatit të NATO-s nuk do të thotë përfshirje në luftë, u tha gazetarëve Ministri i Jashtëm Georg Georgiev në një forum në Bllagoevgrad (Bullgaria Jugperëndimore). "Konsultimet do të caktohen sipas Nenit 4 të Traktatit të..

botuar më 25-09-11 12.18.MD