Problemet e pazgjidhura gjatë kësaj stine politike parashikojnë vjeshtë të vështirë

botuar më 15-08-08 11.05.PD

parlament

Foto: arkiv

Stina politike në Bullgari përfundoi duke lënë çështje serioze të pazgjidhura. Marrëdhëniet midis partnerëve kryesor në qeverisje - midis GERB dhe Bllokut të Reformatorëve, janë të tensionuara, përfaqësues të tyre të lartë nuk përjashtuan mundësinë për rishikimin e marrëveshjes së koalicionit, bile disa edhe për përgatitjen e zgjedhjeve të parakohshme. Në fillim të javës Kryeministri Borisov duhej të qetësonte situatën me pohimet, se midis Partisë GERB dhe Reformatorëve gjithçka është në rregull, por sigurimet e tij nuk u penguan analistëve politikë të prognozojnë ndryshime në pushtetin ekzekutiv. Sipas disave, në qoftë se do të ndërmerren ndryshime të tilla, në interes të marrëdhënieve më të mira të koalicionit, ato nuk do të prekin postet në qeveri që i janë besuar Bllokut të Reformatorëve. Me gjithë atë mbizotëron mendimi, se me gjithë mosmarrëveshjet, ndërrim të kabinetit nuk do të ketë, sepse nuk ka faktorë të brendshëm ose të jashtëm,, të cilët ta diktojnë. Në situatën e tanishme në rajon, partnerët e Bullgarisë nga BE dhe NATO janë të interesuar për stabilitetin e saj, ndërsa në plan të brendshëm – edhe në qoftë se arrihet në divorc me reformatorët, GERB mund të garantojë shumicë në parlament me mbështetjen e ABV dhe Lëvizja për të Drejtat dhe Liritë (LDL). Debatet e dhimbshme dhe kompromiset rreth sistemit gjyqësor, shëndetësor dhe të pensioneve çuan në afrim midis GERB dhe LDL, fakt i cili i shtyri disa te flasin për një koalicion joformal midis tyre. Në fund të javës tensioni me reformatorët u forcua nga shtyrja për në vjeshtë të ligjit të propozuar prej tyre për luftë kundër korrupsionit në katet e larta të pushtetit. Ndërlikimi i situatës politike, që po përvijohet për në vjeshtë, po thellohet edhe nga rrethana se ajo përkon me nevojën për përgatitjen e zgjedhjeve për pushtetin vendor, të gërshetuar me referendumin për sistemin elektoral. GERB shkon në zgjedhjet me qëndrimin për pjesëmarrjeve me vete dhe shpreson për fitore në qytetet e mëdha. Blloku i Reformatorëve po kështu mendon për pjesëmarrje me vete, por Lëvizja për Bullgarinë e Fortë deri para pak kohe shpallej për koalicione të lira në vend dhe prandaj Lëvizja “Bullgaria e qytetarëve” këmbënguli për konsolidimin e bllokut dhe për regjistrimin unik për zgjedhjet, të mbështetur me një marrëveshje e qartë e koalicionit. Sipas disave, LDL do të ruajë mbështetjen e deritanishme lokale, bile mund ta zgjerojë me tërheqjen e votave nga etnia rome. PSB shkon në stinën e re politike me një kënaqje relative lidhur me zgjedhjen e socialistes Maja Manollova për avokat kombëtar të popullit dhe me synimin të tregojë se e ka kapërcyer praktikën “ të japë drita për të majtë dhe pas kësaj të bëjë kthesa djathtas”. Ndër zhvillimet politike që priten në vjeshtë nuk ka të tilla që mund të ndryshojnë statukuonë në vend. Me këtë qytetarët dhe partnerët e Bullgarisë tashmë janë mësuar.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Problemet e pazgjidhura gjatë kësaj stine politike parashikojnë vjeshtë të vështirë

Më shumë nga rubrika

Qeveria e përkohshme po përgatitet të dorëzojë pushtetin dhe raportoi aktivitetet e saj

Maqedonia e Veriut mund të bëhet shtet me dy popuj me shtetësi bullgare dhe shqiptare

Një kabinet i mundshëm i GERB-it do të vendosë 3 prioritete

Maqedonia e Veriut mund të bëhet shtet me dy popuj me shtetësi bullgare dhe shqiptare

Një kabinet i mundshëm i GERB-it do të vendosë 3 prioritete

Qeveria e përkohshme po përgatitet të dorëzojë pushtetin dhe raportoi aktivitetet e saj