“Festivali “Kinomania” lindi në vitin 1987, i krijuar atëherë nga Bashkimi Shtetëror “Kinematografia Bullgare”, që udhëhiqte tërë procesin e krijimit të filmave – na tregon në një intervistë për Radio Bullgarinë Vlladimir Trifonov, i cili përgjigjet për programin e festivalit. “Kinomania” ishte një ngjarje, e cila shumë vite me radhë pritej nga të gjithë shikuesit, sepse arrinte të tregonte shumë filma të rinj. Pas ndryshimeve politike te ne, kur tregu i filmave u liberalizua dhe udhëhiqej kryesisht nga kompanitë private, “Kinomania” kishte disa vite shumë të vështira. Në vazhdim të 10-15 viteve të fundit përpiqemi ta zhvillojmë festivalin në mënyrë të tillë kështu qe të tregojmë filma të rinj dhe, kuptohet, të bukur. Theksi kryesor është zhvillimi i kulturës së filmave, duke u paraqitur filma klasikë të lidhur me historinë e kinemasë.”

Ndër filmat e seleksionuar ka vepra me çmime nga festivalet e sivjetshme botërore në Kan, Berlin, Venecie etj. Në programin e sivjetshëm merr pjesë filmi i ri bullgar “Të pafatët” me regji të Ivajllo Hristovit. Para pak kohe ai fitoi çmimin e madh në një Festival prestigjioz ndërkombëtar të filmave në Moskë. Vepra tregon për të rinj të pafat nga një qytet provincial – ata janë të fatzinj, por kanë dëshirë të madhe për sukses. Në festivalin e filmave në Varna “Dashuria është marrëzi” filmi fitoi akoma dy çmime. Me siguri në programin e “Kinomania” do të paraqitet edhe vepra dokumentare “Buzëqeshja e kinemasë bullgare” e regjisorit Ivan Georgiev-Gec, i cili për fat të keq u nda nga jeta në moshën e re.

Theksi në programin e festivalit është pjesa teatrale e “Hamlet”-it, por në variantin e saj kinematografik. Në rolin e princit danez mishërohet aktori i talentuar Benedikt Këmbërbaç (Benedikt Kumburbach). “Të gjitha recensionet, të cilat i kemi lexuar për të, janë të jashtëzakonshme, jo vetëm sepse ai është një aktor i jashtëzakonshëm, por sepse arrin të rikrijojë një Hamlet modern, bashkëkohor, të ri" – tregon Ljubov Kostova, drejtoreshë e Këshillit Britanik në Bullgari. Me “Hamlet” fillon dhe një program të madh kushtuar shënimit të përvjetorit të 400-të të vdekjes së Shekspirit – një ngjarje globale kulturore e vitit 2016. Ajo përfshin shfaqje arsimore, kinematografike dhe koreografike gjatë tërë vitit.

Një theks tjetër në “Kinomania” është filmi “Roxhër Uotërs – Mali”. Sipas Mirosllav Borshoshit, drejtor i Pallatit Kombëtar të Kulturës, një godinë, që është lidhur me festivalin që prej shumë vitesh, edhe të dy filmat janë shumë të mirë.

“Shpresoj se në këtë mënyrë do të tregojmë jo vetëm se e kërkojmë publikun e gjerë, por do të paraqitim gjithashtu një kinema elitare dhe cilësore, një kinema për të cilën të gjithë njerëzit kanë nevojë” – shënon ai. – Kemi zgjedhur shumë filma cilësorë. Jemi në pritje bashkë me ekipin e “Kinomania”-s për ta parë festivalin në Venecie, sepse atje do të ketë premiera, të cilat ndoshta do të jenë shumë të përshtatshme për “Kinomania”.

Përgatiti në shqip: Vesella Mançeva