Është vjeshtë. Rrugët e qytetit janë të mbuluara me ngjyrat e bukura të gjetheve që bien. Gjithnjë e më rrallë dëgjojmë muzikë në park, kurse sallat e koncerteve dhe klubet përsëri janë plotë me adhurues të interpretimeve të gjalla. Në larminë e pasur të ngjyrave përfshihet dhe larmia muzikore nga afishja jonë.

Fillojmë me një premierë, pas së cilës qëndroni grupi “Electric Pie”. Më 28 tetor në skenën e Sofja Live Club, muzikantët për herë të parë do të prezantojnë videon e vet të parë të re. Kënga titullohet “A mundem”, videoja është e incizuar në “Fabrikën për art të qytetit” në Sofje. Grupi po përgatit dhe albumin e vet të ardhshëm, këngë nga i cili do të tingëllojnë në koncert. “Electric Pie” bashkon Jasmin Isinov – piano, Ognjan Gërkov-DJ dhe vokalisten Alis Inxhejan. Ata kanë përgatitur një program njëorësh, kurse ndaj tyre do të bashkohen dhe shumë miq-muzikantë.

Në ditën e rilindësve popullor (1 nëntor) “Fortisimo Familija” ftojnë më të vegjlit në një koncert me karakter arsimues. Tema është “Përrallë për Betovenin dhe Oton e Vogël”. Në rolet e Otos së Vogël dhe kompozitorit Betoven janë aktorët Gerasim Gjeorgjiev-Gero dhe Vlladimir Penev, kurse shoqërimi muzikor është nën drejtimin e dirigjentit Sllavill Dimitrov, bashkë me orkestrën e filarmonisë të Sofjes dhe solistët Svetlin Rusev – violinë dhe Lili Bogdanova – piano.

“U japim mundësi fëmijëve të dëgjojnë lloje të ndryshme muzike – thotë Svetlina Terzieva, njëra nga organizatoret e ngjarjes. – Kjo ushqen vetërespektin e tyre, bindjen në forcat e tyre dhe u jep impulse për krijimtari. Një nga idetë kryesore, të cilën po e ndjekim është që fëmijët dhe prindërit bashkë të fitojnë shije dhe interes ndaj instrumenteve klasike dhe muzika.”

Përgatiti në shqip: Nataniela Vasileva