Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Radka Aleksova: Kori “Misteri i zërave bullgarë” tashmë 45 vjet është shtëpia ime e dytë

Foto: bnt.bg

Radka Aleksova i përket brezit të këngëtarëve popullorë që kanë rritur në mjedisin natyror të ditëve të punës dhe të festave në fshat, që gjithmonë janë shoqëruar me muzikë popullore. Ajo zhvilloi talentin e vet nën ndikimin e këngëve të interpretuesve amatorë të fshatit Graovo – pjesë e krahinës folklorike të Shopllukës, Bullgarisë Perëndimore.

“Kur isha fëmijë nuk dija çfarë dua të mësojë dhe të punojë – rrëfen këngëtarja. Ishim tre fëmijë, ishim shumë të varfër, por kishim lumenj, pyje dhe lëndina të gjelbra. Këndoja në korin e shkollës, i cili ishte shumë i mirë. Më pëlqente të recitoja poezi në ditët e festave. Kam marrë pjesë edhe në shfaqjet teatrale të shkollës. Siç dukej, fati më kishte përcaktuar të jem në skenë. Gjatë viteve 60-70 të shekullit të kaluar në vendin tonë kishte shumë kolektiva popullore amatore pranë vatrave dhe shtëpive të kulturës. U paraqita në një konkurs për  korin pranë Shtëpisë sindikale të minatorëve në fshatin tim të lindjes Studena dhe kështu filloi formimi im i vërtetë si këngëtare. Dirigjenti i korit Bojan Nankov ishte pedagog i njohur vokal. Këtu mësova stilin karakteristik folklorik të të kënduarit të Graovos, përfaqësuese e të cilit jam.”

Radka Aleksova është përfaqësuese e njohur e stilit unik folklorik të Graovos, që është karakteristik për rajonet e qyteteve të Bullgarisë Perëndimore Pernik, Radomir, Breznik. Tandemi muzikor dhe familjar – Radka Aleksova dhe kompozitori Bojan Nankov, u jep impulse sukseseve të përbashkëta krijuese, të cilët janë shkaku për famën  botërore të këngëtares sonë të talentuar, e cila jo një herë e ka ngritur në këmbë publikun në kënde të ndryshme të botës.

“Shkolla e madhe e këngëve popullore më çoi në Korin popullor pranë Radios Kombëtare Bullgare – vazhdoi ajo. – Ky hap shënoi kthesë të madhe në jetën time. Katër dekada Bojan Nankovi ishte bashkëshorti, kompozitori, dirigjenti im. Të gjitha këngët e mia – solo dhe duete, janë të përpunuara prej tij, janë nën dirigjimin e tij dhe janë të incizuara me të dhe me Orkestrën Popullore të Radios Kombëtare Bullgare. Në vitin 1971 patëm një turne në Francë. Këto janë kujtimet e mija të paharrueshme. Në vitin 1988 producenti i njohur zviceran Marsel Selie u bë kumbari i korit tonë “Misteri i zërave bullgarë”. Në vitin 1990 erdhi dhe çmimi “Grami” – për secilën prej këngëtarëve të korit. Merrnim ftesa nga e gjithë Evropa, Azia dhe Amerika. Realizonim turne të gjata, jepnim koncerte në sallat më të njohura në botë. Kori ynë u zgjodh ambasador i kulturës evropiane në botë. Kam kënduar në duete, në kuartete, por kontributi im personal në suksesin e korit janë këngët e mia “Nusja shterpë” dhe “U dogj mali Janina”. Gjatë të gjitha këtyre viteve isha një njeri i lumtur. Përjetova shumë rëndë vdekjen e Bojanit, por kam djalë dhe nipër, të cilët i adhuroj. Ndërsa kori “Misteri i zërave bullgarë” tashmë 45 vjet është familja ime e dytë. I falënderoi Zotit për këtë!”

Përgatiti në shqip: Sofia Popova



Последвайте ни и в Google News Showcase, за да научите най-важното от деня!

Më shumë nga rubrika

32 violinistë të rinj nga 14 vende marrin pjesë në konkursin "Vasko Abaxhiev"

Konkursi i 8-të Ndërkombëtar i Violinës "Vasko Abaxhiev" do të mbahet në Sofje nga 20 deri më 23 nëntor me një interes rekord. Organizatorët nga Klubi i UNESCO-s "Leonardo da Vinci" - Sofje janë të kënaqur me 32 aplikimet e marra nga 14 vende,..

botuar më 25-11-20 5.20.PD

"Ulu pranë meje, mik" – Stefan Dimitrov dhe Stefan Diomov në një skenë

"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana Karadoçeva, Mihaill Bellçev, Vëllezërit Argirovi, Mimi Nikollova, Doni, së bashku me artistë të rinj, por..

botuar më 25-11-19 6.10.PD

Më 24 maj, këngëtarja e njohur Lili Ivanova do të këndojë në Sallën “Olimpia” në Paris

Lili Ivanova do të këndojë për herë të dytë në sallën “Olimpia”. Koncerti parashikohet për më 24 maj 2026 dhe zhvillohet nën patronazhin e presidentit Rumen Radev, njofton ekipi i këngëtares më të madh të muzikës bullgare pop. Lili Ivanova..

botuar më 25-11-18 1.44.MD