Një pjesë e Festivalit Muzikor kushtuar Vitit të Ri, është edhe programi festiv i këngëtarit bullgar Vasill Petrov. Më 15 dhjetor ishte koncerti i parë kushtuar Krishtlindjes. Në të, bullgari zëri i të cilit i kujton atij të Frank Sinatrës, doli në skenë bashkë me “Sofija Simfoniks” – kor dhe orkestër nën drejtimin e maestres Ljubka Biaxhoni. Vetëm ditë të numëruara para kësaj veprimtarie, ata muzikantë u kthyen nga Gjermania, ku prezantuan po këtë program me muzikë klasike kushtuar Krishtlindjes.
“Nuk punojmë për herë të parë me maestren Ljubka Biaxhoni. Para kohe realizuan disa projekte të mëdha prapë në Gjermani, më saktë në qytetin Kullmbah, dhe në disa qytete në Bullgari. Repertori i koncertit përfshin vepra klasike nga Hendeli, Mendelsoni, Shuberti, si dhe muzikë amerikane e Krishtlindjes. Projektin “Swing Christmas” e realizojmë bashkë me Formacionin “Stanisllav Arabaxhiev – trio” dhe me baletin “Vaja Dens Studio”. Publiku do të dëgjojë edhe një këngë të ri sipas muzikës sime dhe vjershave të Arkimandritit Serafim (Aleksiev), me pjesëmarrjen e Grupit Vokal të Fëmijëve “Miki Maus”. Titulli i saj është “Ku është Bitlemi”. Xhiruam edhe një video, e cila tashmë u prezantua.”
Përgatiti në shqip: Svetllana Dimitrova
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...