Filarmonia e Sofjes organizon një koncert me rast të përvjetorit të 45-të të premierës së mjuzikëlit “Muzikantët e gëzuar të qytetit” të kompozitorit Aleksandër Vlladigerov. Shfaqja e tij e parë në “Teatrin e të rinjve” të kryeqytetit është më 1971. Muzikali shpejt u bë i njohur, jo vetëm për publikun e fëmijëve, për të cilin është destinuar. Shakatë e mendjemprehta muzikore, tekstet humoristike, meloditë e gëzueshme dhe mjeshtëria e madhe e kompozitorit e bënë këtë vepër aq të njohur në vazhdim të shumë viteve. Në vitin 2013 Filarmonia “Pioner” me dirigjent Ljubomir Denev bëri dy koncerte, bashkë me këngëtarë, të cilët akoma ishin studentë në Akademinë Muzikore Kombëtare “Panço Vlladigerov”.
Koncerti më 16 janar është pjesë e fushatës bamirëse në favor të njerëzve nga fshati Hitrino. Biletat janë me çmim tepër të arritshëm – 6 leva(afro 3 euro). Organizatorët bëjnë thirrje që publiku të dhurojë diferencën deri në vlerën reale të biletës (apo më shumë) për kauzën e mirë. Paratë e mbledhura do t’i ofrohen Kryqit të Kuq Bullgar.
Përgatiti në shqip: Jordanka Ivanova
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian me bukurinë e tij, Napoli, do të shënohen me një ngjarje të veçantë – koncertin e formacionit Ars..
E përfunduar në vitin 1940, drama e vallëzimit u shfaq për herë të parë më 4 janar 1942 në Operën e Sofjes nën drejtimin e dirigjentit Asen Najdenov. Libretisti dhe regjisor ishte Hrisan Cankov, koreografinë e bëri Maria Dimova – një..
Shtëpia e Kulturës “Boris Hristov” në qytetin e Plovdivit është nikoqire e edicionit të përvitshëm të Plovdiv Jazz Fest 2025. Nga sot deri më 9 nëntor, festivali mbledh muzikant xhaz nga Bullgaria dhe bota, duke ofruar një program të larmishëm me..