Kryeministri Bojko Borisov përshëndeti homologun e tij shqiptar Edi Rama për miratimin e Ligjit për pakicat. Sipas Borisovit garantimi i të drejtave të minoritetit bullgar do t’i japë një shtytje të fuqishme integrimit evropian të Shqipërisë, sepse demonstron një mënyrë evropiane të bërjes së politikës. Nga ana e vet Edi Rama deklaroi se e konsideron Ligjin për pakicat si një detyrë e tij dhe do të bëjë përpjekje maksimale për kalimin e shpejtë të rrugës evropiane të Shqipërisë. Më herët në një deklaratë zyrtare Ministrja e Jashtme e Bullgarisë Ekaterina Zaharieva përshëndeti Ligjin e votuar në Shqipëri për mbrojtjen e pakicave kombëtare, me të cilin rregullohet juridikisht statusi i shtetasve shqiptarë me vetëdije bullgare dhe njohja e tyre si minoritet. Pakica bullgare në Shqipëri është fakt historik, kurse njohja e saj nga shteti shqiptar është shenjë e të menduarit evropian. Sofja mendon se garantimi dhe krijimi i kushteve për ushtrimin e të drejtave të minoriteteve është një prej treguesve kyç të gatishmërisë së Shqipërisë për të filluar bisedime për anëtarësim në BE, thuhet në fjalimin e Ministres Zaharieva.