Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Një ekspert paralajmëron për vonesë në modernizimin e ushtrisë

БНР Новини
Foto: eu2018bg.bg

Ndryshe nga mosmarrëveshjet e konsiderueshme midis vendeve anëtare të BE-së mbi një sërë politikash të përbashkëta, në sferën e sigurisë nuk shihen dallime drastike. Kjo u duk edhe në takimin joformal të ministrave të mbrojtjes, që u mbajt javën e kaluar në Sofje në kuadrin e Presidencës Bullgare të Këshillit të BE-së. Bisedimet ishin pjesë e përgatitjes së takimit të ministrave të punëve të jashtme dhe të mbrojtjes gjatë qershorit, në të cilin pritet të miratohen vendime për sigurinë dhe mbrojtjen e ardhshme evropiane. Mirëpo, cili është vendi i Bullgarisë në mbrojtjen e përbashkët evropiane? Dhe çfarë mund t’i ofrojmë bashkimit?

Sipas ekspertit të çështjeve të sigurisë Jordan Bozhillov, kryetar i Forumit të Sofjes për Siguri, nuk duhet të nënvleftësohet pjesëmarrja e Bullgarisë në mbrojtjen e përbashkët evropiane. Mirëpo, sipas tij, investimet e vendit tonë në mbrojtje janë në nivel shumë të ulët. “Projektet për modernizimin e ushtrisë ngecen dhe aftësia mbrojtëse e vendit po ulet vazhdimisht”, theksoi zoti Bozhillov në një intervistë për Radion Kombëtare Bullgare. Sipas tij, në se Bullgaria nuk do të avancojë mund të dalë, se nuk është në gjendje të zbatojë angazhimet dhe të përfshihet në operacione të përbashkëta me partnerët. “Prandaj me rëndësi kyçe është që bullgarët të pranojnë, se modernizimi i ushtrisë bullgare është një domosdoshmëri, por jo humbja e mjeteve, të cilat mund të investohen në shëndetësi ose në sfera të tjera sociale”, mendon Jordan Bozhillov.

Korniza financiare e BE-së për mbrojtje për periudhën e ardhshme shtatëvjeçare pas vitit 2021 tregon, se BE-ja nuk i vë vetes për detyrë krijimin e një ushtrie të përbashkët evropiane. “Në këtë kuptim angazhimi kryesor do të jetë në krijimin e ushtrive kombëtare dhe të forcave kombëtare të armatosura”, komentoi Bozhillov, duke shtuar, se kjo ka të bëjë edhe me Bullgarinë. “Bullgaria në asnjë rast nuk duhet të krijojë te partnerët e saj ndjenjën se mund të ketë ndonjë pozitë tjetër veç asaj të përbashkët. Mesazhet, të cilat u drejtojmë partnerëve tanë evropianë dhe amerikanë duhet të jenë të qarta: Bullgaria është anëtare e NATO-së dhe e BE-së dhe vetëm ato dy organizata të bazuara mbi interesa dhe vlera të përbashkëta mbeten prioritet për vendin”, theksoi Jordan Bozhillov, kryetar i Forumit të Sofjes për Siguri.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Më 15 tetor, Shqipëria fillon negociatat thelbësore për anëtarësimin në BE Përfaqësuesit e përhershëm të BE-së në Bruksel vendosën njëzëri nisjen e negociatave të anëtarësimit me Shqipërinë. Fillimi do të jetë më 15 tetor me një konferencë..

botuar më 24-09-28 7.30.PD

Zgjedhje të parakohshme në asnjë kohë

Që nga sot, 27 shtator, Bullgaria është sërish në një fushatë zgjedhore 30 ditore. 28 parti dhe 11 koalicione paraqitën dokumentet në Komisionin Qendror të Zgjedhjeve për pjesëmarrje në zgjedhjet e ardhshme të parakohshme parlamentare dhe në..

botuar më 24-09-27 6.55.PD
Bojko Borisov

Në Sofje e konsiderojnë reagimin e BE-së ndaj Maqedonisë së Veriut si të arsyeshëm

Bullgaria dhe Maqedonia e Veriut kanë nënshkruar një Marrëveshje të Fqinjësisë së Mirë, e cila është pjesë e planit të zgjerimit të BE-së dhe askush nuk mund të tërhiqet prej saj, tha kreu i GERB-it, Bojko Borisov, i cili është edhe kryetar i..

botuar më 24-09-26 11.34.PD