Gjatë vitit të fundit këmbimi i mallrave mes Bullgarisë dhe Rusisë është përmirësuar konsiderueshëm dhe kjo u detyrohet kontakteve të aktivizuara, deklaroi në Sofje Kryeministri rus Dmitri Medvedev pasi u takua sy më sy me homologun e vet bullgar Bojko Borisov. Nga fjalët e tij u bë e qartë se Federata Ruse ka projekte të mëdha në Bullgari dhe do të vazhdojë bashkëpunimin dypalësh në sferat e ekonomisë, energjetikës dhe turizmit. Kryeministri Borisov bëri të ditur se po shqyrtohet vendosja e linjës së tragetit Burgas – Novorusijsk. Sa i përket sferës së gazit Borisov shprehu bindje se Bullgaria do të vazhdojë të marrë pjesë në transportimin e gazit përmes regjionit nëpërmjet krijimit të një qendre të shpërndarjes së gazit dhe oferta për ndërtimin e saj është koordinuar me BE-në. Filluan bisedime plenare të nivelit të delegacioneve qeveritare me pjesëmarrjen e zëvendëskryeministrave dhe ministrave.