Kryeprokurori Sotir Cacarov dha urdhër për t’u kontrolluar se si janë marrë pronësitë e patundshme nga Kryetari i Komisionit Antikorrupsion Pllamen Georgiev, nga biri i drejtorit të Shërbimit Kombëtar të Hetimeve dhe nga bashkëshortja e Kryetarit të Gjykatës së Lartë të Kasacionit. Me kërkesë të Kryeministrit Bojko Borisov shefi i Komisionit Antikorrupsion Georgiev doli me leje derisa të mbarojë kontrolli. Pasi për shkak të skandalit lidhur me marrjen e pronësive të palëvizshme me çmime më të ulëta dha dorëheqje edhe Ministrja e Drejtësisë Cecka Caçeva, Kryeministri propozoi për ministër të ri shefin e deritanishëm të Komisionit Legjislativ Parlamentar Danaill Kirillov. Presidenti Rumen Radev deklaroi se e ka hequr besimin e vet nga Kryetari i Komisionit Antikorrupsion që ditën e mërkurë, duke e ftuar jo atë, por zëvendësin e tij për të mbajtur një raport në mbledhjen e Këshillit Konsultativ për Sigurinë Kombëtare, kushtuar luftimit të korrupsionit në nivelet e larta të pushtetit, mbledhje kjo që do të mbahet ditën e hënë javën tjetër.