Të mërkurën, temperaturat minimale do të jenë nga 5 deri në 10°C, ndërsa në Sofje rreth 7°C. Gjatë ditës, vranësirat do të mbeten të dendura; në disa zona, kryesisht në Bullgarinë Juglindore dhe në rajonet malore, do të ketë reshje të lehta shiu. Era në Bullgarinë Perëndimore dhe Qendrore do të fryjë e lehtë nga lindja, ndërsa në Bullgarinë Lindore do të jetë e lehtë deri në mesatare nga verilindja.

Temperaturat maksimale do të livizin nga 10 deri në 15°C, në kryeqytet rreth 12°C.

Në bregdetin e Detit të Zi, moti do të jetë me vranësira dhe me mundësi reshjesh.
Temperaturat maksimale të ajrit do të jenë 15–16°C, ndërsa temperatura e ujit të detit do të lëvizet nga 15 deri në 18°C. Dallgëzimi i detit pritet të jetë rreth 2 ballë.

Në male do të jetë me vranësira, në disa rajone me reshje shiu, ndërsa mbi 2000 metra lartësi do të ketë reshje bore. Do të fryjë erë e lehtë deri në mesatare nga verilindja, ndërsa në zonat më të larta — nga veriperëndimi. Temperatura maksimale në 1200 metra mbi nivelin e detit do të jetë rreth 8°C, ndërsa në 2000 metra — rreth 3°C.

Të enjten, në gjysmën perëndimore të vendit, në mëngjes në disa zona do të ketë mjegull ose vranësira të ulëta, por gjatë ditës vranësirat do të shpërndahen. Në lindje do të ketë reshje të lehta dhe të lokalizuara shiu. Temperaturat minimale do të ulen dhe do të jenë kryesisht nga 3 deri në 8°C, ndërsa ato ditore do të mbeten pothuajse të pandryshuara — nga 10 deri në 15°C.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA