Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Vëmendja dhe koha e dhuruar i bëjnë më të ndritshme festat e Pashkëve

Kirill Balldevi i ri dhe iniciativat e tij bamirëse

Pensionistët në Bullgari janë pak mbi 2 mln veta, ndërsa aktualisht pensioni mesatar është 198 euro. Mirëpo, e vërteta është se një përqindje e madhe e pensionistëve bullgarë jetojnë me më pak se gjysma e kësaj shume. Një pjesë e madhe prej tyre banojnë në rajone të prapambetura ekonomike, ku ka fshatra me popullsi nën 20 veta.

Mirëpo, sot do të lëmë mënjanë politikën e shtetit ndaj njerëzve të plakur, që t’ju takojmë me Kirill Balldevin – një i ri me zemër të madhe, i cili është vetëm 17 vjeçar, por merret me iniciativa bamirëse tashmë katër vjet. Ai ka grumbulluar dhe dhuruar libra, ka kontribuuar për organizimin e tregjeve të ndryshme bamirëse, ka mbledhur mjete për një bashkënxënëse të tij të lënduar në aksident rrugor, ndërsa dy iniciativat e tij të fundit u ishin drejtuar pensionistëve dhe njerëzve të vetmuar.

“Për Krishtlindjet arritëm t’i ndihmojmë banorët e 10 fshatrave – na tregoi Kirill – Çdo pensionist mori një qese me produktet më të nevojshme ushqimore. Edhe për Pashkët vendosa të startoj një fushatë me emrin “Panettone për çdo një pensionist”, sepse mendoj se edhe këtë ditë duhet të mendojmë për ata njerëz të moshuar, gjyshe dhe gjyshër, të cilët janë të varfër dhe të vetmuar. Në fillim ishin 10 fshatra në Bullgarinë Veriperëndimore. Kishim parashikuar 360 pensionistë, por morëm një përkrahje shumë të madhe dhe unë vendosa të përfshijë akoma 10 fshatra nga bashkia e Rodopeve, kështu qe shpërndamë mbi 700 panettone.”

Njeriu i ri arriti të tërheqë edhe të afërm, miq, bashkënxënës dhe njerëz të panjohur ne kauzat e veta dhe tashmë gjithnjë e më shumë bullgarë bëhen pjesë e ideve të tij bamirëse. Pse ka zgjedhur t’i ndihmojë pikërisht pensionistët?


“I zgjodha pensionistët, sepse mendoj se atyre askush nuk u kushton vëmendjen e domosdoshme, nuk u jepet përkrahja e nevojshme –na u përgjigj Kirill Balldevi.– Këtyre njerëzve duhet t’u jepet ndihmë. Mendoj se njeriu duhet të bëjë të mirë jo një-dy herë në vit, por tërë vitin. Kështu qe desha t’u bëj thirrje njerëzve për të bërë të mirë jo vetëm gjatë festave dhe për raste të veçanta. Kjo duhet të ndodhë në mënyrë spontane, mirësia duhet të dalë nga zemra. Ka se çfarë të mësojmë nga këta njerëz të plakur, sepse ata kanë mbetur në Bullgari dhe kanë punuar kaq shumë vite. Mund të mësojmë shumë histori për Bullgarinë nga koha e tyre, ata mund të na japin edhe shembuj të mirë. Pensionistët janë të rëndësishëm, sepse ata kanë kontribuuar për zhvillimin e Bullgarisë.”

Iniciativa tjetër bamirëse e Kirilit do të jetë në ditëlindjen e tij – 23 maj. Atëherë ai do të shpallë fushatat e reja, do të tregojë më shumë për idetë e veta dhe për vetveten. Ai u ka drejtuar kërkesë të gjithë mysafirëve për të sjellë nja një libër. Këta libra do t’u dhurohen vatrave kulturore që kanë më shumë nevojë. Kirill na tregoi më shumë për kënaqësinë që ndien duke i ndihmuar njerëzit:


“Ndihem i lumtur duke e parë buzëqeshjen dhe mirënjohjen e tyre. Këta njerëz me siguri do të të mbajnë mend për gjithmonë. Njeriu duhet të bëjë gjëra të mira, sepse duhet të lërë diçka pas vetes” – është i bindur i riu.

Përgatiti në shqip: Vesella Mançeva

Foto: arkiv personal



Последвайте ни и в Google News Showcase, за да научите най-важното от деня!

Më shumë nga rubrika

Thatësira dhe humbjet e fermerëve: KE hapi rezervën bujqësore të krizës

Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë në prodhim. Pas protestave masive bujqësore në të gjithë BE-në që nga fillimi i vitit, fermerët po..

botuar më 24-10-01 8.21.MD

Holanda mbetet vendi më tërheqës për studentët bullgarë

Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen për vitin akademik 2024-2025 është rritur me rreth 11%. Kështu ka thënë për programin “Hristo Botev”..

botuar më 24-10-01 4.23.MD

Gratë bullgare jetojnë 7.4 vjet më shumë se burrat

Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të Institutit Kombëtar të Statistikave me rastin e 1 tetorit – Ditës Ndërkombëtare të të Moshuarve. 1 731 039..

botuar më 24-10-01 12.04.MD