Me një ceremoni solemne në qytetin jugor bullgar Haskovo niset për në Afganistan kontingjenti i 38-të ushtarak, i cili do të marrë pjesë në misionin e NATO-së “Përkrahja vendimtare” në vazhdim të 6 muajve. Kontingjenti përfshin 150 ushtarë, 112 prej të cilëve do të garantojnë sigurinë e aeroportit në Kandahar. Pjesa tjetër e kontingjentit – kryesisht këshilltarë dhe oficerë do të bëhen pjesë e shtabit të misionit të NATO-së pranë institucioneve të ndryshme afgane. Komandanti i kontingjentit është koloneli Ivan Ivanov nga Drejtoria “Logjistika” pranë Ministrisë së Mbrojtjes. Ndihmës komandanti do të jetë koloneli Valeri Dimitrov nga Drejtoria “Operacione dhe Përgatitje”. Gjysma e ushtarëve tashmë kanë përvojë në misione të tilla jashtë Bullagrisë. Pjesëmarrja në operacionin e NATO-së është në përputhje me përgjegjësitë e Bullgarisë si shtet-anëtar i Aleancës.