Kuvendi Popullor miratoi ndryshime në Ligjin për parandalimin e pastrimit të parave, duke kërkuar që çdo kompani ta bëjë publik emrin e pronarit ose pronarëve të vet. Shoqëritë, të cilat nuk janë përfshirë në Regjistrin e Bizneseve ose në sistemin Bulstat duhet të paraqesin deklarata për pronarë realë. Përveç firmave offshore deklarata të tilla duhet të paraqesin dhe shoqëritë aksionare. Banka Popullore Bullgare duhet të informojë organet evropiane të mbikëqyrjes dhe kontrollit për rastet e parandalimit të larjes së parave të pista dhe të financimit të terrorizmit. Avokatët tashmë nuk do të jenë të detyruar të raportojnë para Agjencisë Shtetërore të Sigurisë Kombëtare për secilin klient të tyre të ri. Me këto ndryshime presidentët, kryeministrat, ministrat dhe deputetët gjithashtu do t’i nënshtrohen kontrollimit të prejardhjes së parave për çdo një marrëveshje apo operacion financiar.