Raporti ndërmjetës i ekipit bullgar të Qendrës Evropiane për Vëzhgimin e Zgjedhjeve llogarit se, në sfondin e një intensiteti gjithnjë e më të ulët të fushatave kombëtare për zgjedhjen e deputetëve evropian në Bashkimin Evropian, në Bullgari fushata është relativisht aktive. Derisa në pjesën më të madhe të vendeve nga Bashkimi Evropian në plan të parë janë temat ekonomike, të pasuara nga këto për migracionin dhe mjedisin, në Bullgari drejtuese janë çështjet e lidhura me mirëqenien e njerëzve, kurse problemet ekonomike janë në plan të dytë.
Bullgaria është dhe mes vendeve nga Bashkimi Evropian ku në fushatën zgjedhore problemet kombëtare mbizotërojnë mbi ato evropiane. Formacioni Nacionalist VMRO depozitoi në parlament propozim për ndryshime në kodin Penal, të cilat parashikojnë burg deri më 4 vjet dhe gjoba të rënda për politikanët, të cilët akuzojnë ose fyejnë oponentët e vet. Formacioni pohon se, iniciativa e saj legjislative është e motivuar nga fryma, në të cilën zhvillohet fushata aktuale zgjedhore, e përmbushur me gënjeshtra për oponentët.
Partia “Ataka” u dha publikisht bursa tre studentëve, kurse ata premtuan që pasi të përfundojnë arsimin e vet të mbeten të punojnë dhe të jetojnë në Bullgari. Sipas partisë “Ataka” të ardhurat e ulëta dhe shpopullimi i disa zonave janë mes problemeve kryesore të Bullgarisë, por kjo është kështu sepse të rinjtë ikin nga shteti dhe shkojnë për të punuar në Perëndim.
Ekipi i Lëvizjes për të Drejtat dhe Liritë vazhdon të theksojë tezën se, partia GERB aplikon një standard të dyfishtë, ku në Evropë shpallet kundër neofashizmit, urrejtjes dhe ksenofobisë, kurse në Bullgari drejton bashkë me nacionalistët.
Partia GERB dhe Bashkimi i Forcave Demokratike vazhduan të mbrojnë tezën se duan përsëri të jenë garant për zhvillimin evropian të Bullgarisë dhe të vazhdojnë të ndërtojnë imazhin e saj pozitiv, të cilin ajo e ka qëkurse e drejton partia GERB.
Në paraqitjet e fundit zgjedhore të Partisë Socialiste Bullgare u dallua bindja se, në qoftë se fiton zgjedhjet dhe drejton, më përpara do të ndërmarrë masa për rivendosjen e ekonomisë, zhdukjen e repetimit politik dhe burokratik dhe ndërprerjen e kanaleve për vjedhjen e resurseve kombëtare.
Përgatiti në shqip: Nataniela Vasileva
Për arsye shëndetësore, ambasadori bullgar në Rusi Atanas Krëstin nuk do të marrë pjesë në ceremoninë e inaugurimit të Vladimir Putin për mandatin e pestë presidencial, bëri të ditur një burim diplomatik për BNR. Më herët, shefi i politikës së jashtme..
Kryeministri në detyrë Dimitër Gllavçev siguroi se qeveria e përkohshme do të bëjë gjithçka që të mos ketë praktika që pengojnë drejtësinë e zgjedhjeve. Kryeministri u tha gazetarëve se kabineti po punon për të siguruar një votim të drejtë..
25,9% e bullgarëve që kanë deklaruar se do të votonin në zgjedhjet parlamentare të 9 qershorit kanë thënë se do të votonin për GERB-SDS, 16% për PP-DB, 14% për Lëvizja për të Drejta dhe Liri (DPS), 13,8% për “Vëzrazhdane”, 9,6%. - për Partinë..
Qëllimi i parë dhe më i rëndësishëm është miratimi i një buxheti. Synimi i dytë është Plani i Rimëkëmbjes dhe Qëndrueshmërisë. Eurozona është një..
Maqedonia e Veriut nuk ka politika të qëndrueshme ndaj fqinjëve të saj, tha Ali Ahmeti në mbledhjen e Këshillit të Përgjithshëm të Bashkimit Demokratik..