Zëvendëskryeministrja për politikën ekonomike dhe demografike Marijana Nikollova bëri të ditur se shteti ukrainas ka ripohuar se do të respektojë interesat e bashkësisë bullgare. Nikollova, e cila ishte e pranishme në ceremoninë e hyrjes në detyrë të Presidentit të ri të Ukrainës Volodymyr Zelensky nënvizoi se Bullgaria ka qenë shteti i dytë i ftuar për takim “sy më sy” me Presidentin e ri të Ukrainës. Në takim u ripohuan deklaratat e presidentit të mëparshëm të Ukrainës Petro Poroshenko sa i përket bashkësisë bullgare – ruajtja e tërësisë së rajonit të Bollgradit me popullsi mbizotëruese etnike bullgare dhe mësimi i gjuhës bullgare nga minoriteti bullgar. U ripohua edhe angazhimi për krijimin e një shkolle ukrainase, ku të mësohet gjuha bullgare, angazhim ky që u mor përsipër nga Kryeministri Bojko Borisov dhe nga Petro Poroshenko.