Megjithëse Varreza e Silistrës është monumenti i parë kombëtar i kulturës i regjistruar te ne gjatë vitit 1948 ajo është pothuajse e panjohur në Bullgari. Kjo i detyrohet faktit se deri përpara pak kohe ajo ishte e mbyllur për turistët për shkak të nivelit të lartë të lagështisë, e cila i asgjëson freskat. Mirëpo, sistemi i ri klimatik tashmë jep mundësi që objekti të vizitohet pas regjistrimit paraprak të turistëve në Muzeun Regjional Historik.
Varreza e Silistrës është unikale për shkak të pikturave të saj në mur. Ato përbëjnë figura gjeometrike, kafshore dhe njerëzore, skena gjuetie dhe familjare. Stilistika e tyre është në përputhje me traditat e helenizmit. Mënyra e pikturimit i përket epokës së perandorit romak Konstandin. Monumenti arkeologjik u zbulua rastësisht në vitin 1942 në rajonin e qytetit Silistra pranë lumit Danub, ku dikur ka qenë nekropoli antik Durostorum – një prej qyteteve më të rëndësishme romake të Danubit të Poshtëm gjatë shekujve II – VI. Varreza është ndërtuar me tulla dhe hyrja e saj është nga lindja. Atje në një mur të bardh ka një larim prej 11 fushave drejtkëndëshe të përfshira në një kornizë me ngjyrë të kuqe. Pikturat e shumta në mur tregojnë se varreza ka qenë e ndonjë romaku të shquar. Në fushën qendrore është figura e sundimtarit me tërë shtatin e tij, ndërsa pranë tij është e shoqja. Në fushat e tjera janë pikturuar nëntë shërbëtorët, si dhe një çift pëllëmbësh dhe pallonjsh, të cilët pinë ujin e gjallë të jetës së përjetshme nga një vazo e madhe. Pikturat në mur na bëjnë që të mendojmë se patrici ka qenë pagan, i cili ka jetuar në kufirin e paganizmit dhe lindjes së krishterimit.
“Poezia në një shishe” - kështu e përcaktojnë njohësit varietetin emblematik të verës vendase “Mavrud”. Ajo karakterizohet me një ngjyrë të thellë rubin, si dhe nivele të larta të taninit dhe acideve. Në pijen legjendare bullgare mbizotërojnë..
S llënçev Brjag tejkaloi pushimoren turke Marmaris si destinacioni më i përballueshëm për pushimet familjare. Një sondazh i gazetës britanike online “The Independent” krahasoi çmimet e 10 artikujve thelbësorë, duke përfshirë ushqimin, pijet dhe..
Për ne, bullgarët, Bataku është një qytet i shenjtë! Edhe sot e kësaj dite, atje ndihet jehona e ngjarjeve tragjike që lidhen me Kryengritjen e Prillit të vitit 1876, kur shumica e banorëve të pafajshëm të qytezës në malin e Rodopeve u vranë..
Pushimet mund të jenë të paharrueshme jo vetëm buzë detit, ose në mal, por edhe me një shëtitje në plazhet e egra të Danubit. Secili nga qytetet..