Bullgaria duhet të përballojë problemin e korrupsionit dhe të sistemit të drejtësisë, që të marrë përkrahjen e Mbretërisë së Holandës për anëtarësimin në Shengen. Këtë e deklaroi Ministri i Jashtëm i vendit Stef Blok, duke iu përgjigjur një pyetjeje të Radios Kombëtare Bullgare. Në kuadrin e vizitës së vet në Bullgari ai u takua me Kryeministrin Bojko Borisov dhe me Zëvendëskryeministren Ekaterina Zaharieva. Ndër temat e shqyrtuara janë migracioni dhe sigurimi në BE, si dhe forcimi i partneritetit dypalësh në kontekstin e përvjetorit të 110-të të vendosjes së marrëdhënieve diplomatike mes Bullgarisë dhe Mbretërisë së Holandës. Mbretëria e Vendeve të Ulëta është në vend të parë për nga investimet e drejtpërdrejta të huaja në Bullgari. Gjatë vitit 2018 ato kanë tejkaluar 1 mlrd euro. Në Mbretërinë e Holandës ka gjashtë shkolla bullgare. Në vend bëjnë studime mbi 3 000 studentë bullgarë.