Në një bisedë telefonike me Sekretarin e Përgjithshëm të OKB-së Antonio Guterres Kryeministri bullgar Bojko Borisov shprehu përkrahjen e plotë për propozimin e Guterresit që deri në vitin 2050 Bashkimi Evropian të bëhet lider në luftën kundër ndryshimeve klimatike. Sekretari i Përgjithshëm e falënderoi Kryeministrin për angazhimin e tij personal në mbështetje të Marrëveshjes së Parisit . Ai e ftoi Borisovin që të marrë pjesë në Takimin për Klimën, i cili do të zhvillohet para fillimit të Sesionit të 74-të të Asamblesë së Përgjithshme të OKB-së, me qëllim që t’i japë nxitje zbatimit të Marrëveshjes së Parisit. Borisovi premtoi se do ta përkrahë nismën e Guterresit në Këshillin Evropian gjatë kësaj jave. Kryeministri nënvizoi se Bullgaria e tejkalon detyrimin për të rritur pjesën e energjisë së përdorur prej burimeve të ripërtëritshme, duke qenë në vend të parë në BE për nga ky tregues me 18,8%.