2
Bullgaria kremtoi 117-vjetorin e shpalljes së Pavarësisë së saj. Qendra e festimeve ishte ish-kryeqyteti Veliko Tërnovo, por aktivitete festive u zhvilluan në mbarë vendin.
Në Plovdiv, përvjetori u përkujtua me një ceremoni zyrtare dhe një rikrijim historik të ngjarjeve të vitit 1908. Dhjetëra qytetarë të Plovdivit dhe vizitorë të qytetit morën pjesë në festimet që u mbajtën në sheshin me të njëjtin emër – “22 Shtatori”.
“Gjyshi i gjyshit tim ishte luftëtar vullnetar – opëllçenec, gjyshi im ishte oficer i madhërisë së tij, Mbretit Ferdinand – kjo është uniforma e tij origjinale”, ndau për BNR Plovdiv Sava Kufarov, një nga pjesëmarrësit në rikrijim.
Në Burgas, priftërinj të klerit ortodoks vendas mbajtën një lutje festive për mirëqenien e vendit.
Në sheshin “Atanas Sirekov” u ngritën flamujt e Bullgarisë, të Komunës së Burgasit dhe të Bashkimit Evropian.
Në ceremoni morën pjesë përfaqësues të garnizonit ushtarak të Burgasit, si dhe organizatave të veteranëve të ushtrisë.
Ndërkohë në Varna, përvjetori i 117-të i shpalljes së Pavarësisë së Bullgarisë u përkujtua me një ceremoni solemne, e ndjekur nga një valle tradicionale, ku qytetarët u bashkuan me valltarët e Ansamblit Folklorik “Varna”.
Në qytetin Kjustendill, nderimi për heronjtë e Pavarësisë u shpreh me vendosjen e kurorave dhe luleve pranë monumentit “Bullair”.
Një roje nderi u formua nga anëtarët e klubit “Tradita” pranë Vatrës Kulturore “Gjeneral Vlladimir Zaimov”.
Programi festiv nisi me ngritjen e flamurit kombëtar bullgar, nën tingujt e himnit, të ekzekutuar nga Orkestra Frymore profesionale e Bashkisë së Kjustendilit.
Lexoni më shumë për Ditën e Pavarësisë nga arkivi i Radio Bullgarisë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BTA, Bashkia e qytetit Burgas
Shteti bullgar dhe Koncerni gjerman “Rheinmetall” nënshkruan në Sofje një kontratë për ndërtimin në “VMZ – Sopot” të një fabrike për barut dhe granata 155 mm. Kontratën e nënshkroi personalisht drejtori ekzekutiv i “Rheinmetall”, Armin Papperger, dhe..
Kërkesat për njohjen e arsimit të lartë të përfituar jashtë vendit janë dyfishuar. Këtë e njoftoi Vanja Grashkina-Minçeva, drejtoreshë ekzekutive e Qendrës Kombëtare për Informacion dhe Dokumentacion (NACID), gjatë një seance të komisionit..
Të martën , temperaturat minimale do të lëvizin nga 3 deri në 8°, në Sofje – rreth 4°. Para mesditës , vranësirat do të jenë të dendura dhe në disa zona nga veriperëndimi drejt juglindjes do të ketë reshje shiu. Reshje më të shumta dhe më të..
Prokuroria ngriti akuza të reja ndaj kryetarit të Bashkisë së qytetit Varna, Bllagomir Kocev, dhe sqaroi disa nga akuzat e mëparshme, raportoi gazetarja..
Të martën , temperaturat minimale do të lëvizin nga 3 deri në 8°, në Sofje – rreth 4°. Para mesditës , vranësirat do të jenë të dendura dhe në disa..
Do të bëhet gjithçka e mundur që asnjë shtresë e popullsisë të mos dalë e dëmtuar – për këtë siguroi ministri i punës dhe politikës sociale, Borisllav..
Vranësira të dendura me shi
Vranësira
Vranësira të ndryshueshme mundësi për reshje shiu
Vranësira të dendura