Bullgaria merr kryesinë e Asamblesë Parlamentare të Organizatës së Bashkëpunimit Ekonomik të Detit të Zi (BEDZ), duke pasur gatishmëri dhe vullnet të mirë për arritjen e rezultateve të konsiderueshme në favor të qytetarëve të regjionit. Këtë e deklaroi Kryetarja e Kuvendit Popullor Cveta Karajançeva para fillimit të Asamblesë së 53-të të organizatës në Baku, duke marrë në emër të parlamentit bullgar kryesinë e radhës gjashtë mujore të BEDZ-it. Si kryetare e Asamblesë Karajançeva njoftoi se do t’ai dorëzojë medaljen e nderit të BEDZ-it Presidentit të Azerbajxhanit Ilham Aliev për kontributin e tij për realizimin e projekteve të mëdha energjetike në regjionin e Detit të Zi dhe për nismën e tij të lidhur me ndërtimin e Korridorit Jugor të Gazit, përmes të cilit gazi nga Deti Kaspik do të arrijë deri në Evropë dhe deri në Bullgari.