”Greenpeace” – Bullgaria dhe organizata ekologjike “Për Tokën” përshëndesin hapin vendimtar të Bullgarisë të përkrahë qëllimin e përbashkët për ekonominë neutrale të karbonit të Bashkimit Evropian deri në vitin 2050. Kjo u bë në mbledhjen e Këshillit Evropian në Bruksel gjatë muajit qershor, kur një nga temat e debatit ishte përballimi i krizës klimatike. Disa ditë para kësaj kryeministri Borisov deklaroi se ndryshimet klimatike janë fakt dhe dha premtim se Bullgaria do të punojë për realizimin e qëllimeve ambicioze mjedisore.

“Përkrahja për nivelet neutrale të emisioneve të karbonit deri në vitin 2050 është një deklaratë e guximshme se Bullgaria mund të avancojë dhe të kthehet në një nga liderët në politikat klimatike në regjion. E pikërisht – për heqjen dorë nga qymyrguri deri në vitin 2030 dhe krijimin e planeve konkrete për zhvillimin e burimeve të rinovueshme dhe për tranzicion të drejtë  në fushën e energjetikës të regjioneve e varura nga industria e qymyrgurit. Para disa ditëve Sllovakia e shpalli 2023-ën  vitin e fundit për përdorimin e qymyrgurit për qëllime energjetike” komenton Genadi Kondarev nga shoqata “Për Tokën”.