Ministria e Bujqësisë hartoi një Plan Kombëtar për zhvillimin e prodhimit biologjik deri në vitin 2027. Qëllimi është që vendi të afirmohet si lider në një sërë bio-prodhimesh. Do të inkurajohet qëndrueshmëria e fermave të vogla biologjike nëpërmjet grupimit të tyre. Krijohen mundësi për shërbime falas konsultuese dhe mësim profesional për biofermerë. Nga 26 622 hektarë në vitin 2011 sipërfaqet e certifikuara për rritjen e bio-kulturave në Bullgari u bënë 162 332 hektarë në vitin 2018. Vendi ynë është ndër liderët në Evropë për nga numri i koshereve të cilat u përgjigjen kushteve të bujqësisë biologjike. Krahas kësaj vendi është prodhuesi më i madh i vajrave organike të trëndafilit dhe të livandës në botë. Po zgjerohet prodhimi i vajit biologjik eterik prej balsami të limonit. Bujqësia biologjike është një sektor me prioritet e cila ndihmohet nga Programi për Zhvillimin e Rajoneve Rurale.