Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zhivko Petrov me albumin e vet të dytë “TEN”

Foto: www.jivkopetrov.com

Melodik, fin, i qetë, romantik – këto janë disa nga fjalët, të cilët përshkruajnë albumin e dytë solo të pianistit të muzikës xhaz Zhivko Petrov. Më shumë se 20 vjet me radhë ai është ndër muzikantët prijës bullgarë me ndjeshmëri të nënvizuar artistike. Kompozitor, interpretues, orkestrues, Zhivko Petrov gjithmonë arrin të tërheqë vëmendjen e dëgjuesit. Dhe këtë e bën në mënyrë të lehtë dhe të butë, vetëm me pianon. Pianisti punon me disa nga këngëtarët më të mirë të muzikës pop dhe xhaz – Lili Ivanova, Bellosllava, Hilda Kazasjan, Orlin Pavllov etj. Por gjithmonë gjen kohë dhe vend për muzikën e vet. Talenti i tij i kompozitorit është i padiskutueshëm – këtë e tregon dhe projekti i tij i ri me titull “TEN” (Dhjetë).

Albumi im i parë solo After 4“ /Pas 4/ është përkulja ime para mjeshtërve të mëdhenj klasikë – tregon Zhivko Petrov. Në “TEN” prezantoj dhjetë histori personale , të përjetuara prej meje gjatë vitit të fundit. Ndiej se në këtë album jam vetvetja 100%. Muzika ime këtu është “në udhëkryq” mes xhazit dhe muzikës pop, dy pjesët e fundit janë krejtësisht klasike. Më pëlqen të luaj me muzikën, me melodinë. Kjo është kryesorja në filozofinë time. “After 4” ka më shumë tingëllim klasik dhe përfundon me pak xhaz, çdo një pjesë e ka dinamikën dhe zhvillimin e vet. Kurse në albumin e ri “TEN” është ndryshe. Në të mbyll një rreth – këtu muzika është më e qetë dhe dëgjohet si një vepër të tërë. Nëntitulli është The silence in between… – e kam parasysh qetësinë mes toneve, mes muzikës, e cila është me prioritet në këtë album. Muzikanti, i cili mund t’i kapë qetësinë mes toneve – kjo është lumturia e plotë.

Në këtë album Zhivko Petrov ka punuar me njerëz të ndryshëm për ta arrijë këtë që e ka dëshiruar. Ndër ta janë Hristo Karagjozov – tingull, Stracimir Dimitrov – master, Tina Hallkova – fotografi dhe shumë miq të tjerë, të cilët i kanë ndihmuar Zhivko Petrovin në punën e tij mbi albumin „TEN“.



Pak pas lëshimit të tij në treg pianisti e ka prezantuar para pak adhuruesve dhe miqve të vet. Premiera zyrtare është më 30 gusht në Festat e Arteve “Apolonia” në qytetin detar Sozopoll. Pas kësaj Zhivko Petrov planifikon koncerte në më shumë se 10 qytete. Koncerti i fundit do të jetë ai në Sofje më 18 dhjetor në kinemanë “Lumiere”


Përgatiti në shqip: Jordanka Ivanova


Последвайте ни и в Google News Showcase, за да научите най-важното от деня!

Më shumë nga rubrika

Kënga popullore bullgare “Rajna” – pjesë e Projektit “Ura mes kulturave”

Folklori bullgar preokupon prej kohësh muzikantë nga e gjithë bota me veçantinë dhe mundësitë e tij të pashtershme. Një shembull tjetër i një prirjeje të tillë është bashkëpunimi mes muzikantëve Daniell Verstapen dhe Nina Nikolina. Në dy koncertet e..

botuar më 24-05-24 6.10.PD

Dimitër Gugov dhe mishërimet e tamburasë së tij në muzikën etno, rok dhe klasike

Tambura nuk është aspak vegla muzikore më popullore e zgjedhur nga instrumentistët për të performuar në skenat botërore. Të luash tambura në mënyrë moderne, me repertor në zhanre dhe stile të ndryshme, nuk është punë për amatorët. Për ta zbutur këtë..

botuar më 24-05-23 6.10.PD

"Në vend të përgjigjes" një nderim për të paharruarin Georgi Minçev

"Bora e kujtimit" është një nga këngët emblematike të muzikantit të ndjerë Georgi Minçevit . Dy miq të tij - Mihaill Bellçev dhe Kirill Kalev - e thurën në këngën e tyre "Në vend të përgjigjes" si nderim për të paharruarin Georgi Minçev, të cilit..

botuar më 24-05-22 8.15.PD