Numri i përgjithshëm i kërkesave të marra për pjesëmarrje në realizimin e projektit për centralin atomik “Belene” janë 13. Shtatë prej tyre janë të kompanive, të cilët dëshirojnë të marrin pjesë si investitorë strategjikë në projektin e ardhshëm. Këtë e bëri të ditur Ministrja e Energjetikës Temenuzhka Petkova në një konferencë shtypi në Ministrinë e Energjetikës. Ajo shtoi se në dy deklaratat për pjesëmarrje është parashtruar kërkesë për pjesëmarrje në projekt nëpërmjet furnizimit të pajisjeve dhe pjesëmarrjes në strukturimin e financimit të projektit. Ka katër deklarata të tjera, ku është shfaqur dëshirë për pjesëmarrje nëpërmjet marrjes së një pjese minoritare në projekt dhe lidhjes së kontratës për blerjen e energjisë elektrike. Një komision prej ekspertësh bullgarë do të vlerësojë ofertat dhe brenda 90 ditëve do të përgatisë një listë të shkurtër me emrat e kompanive, të cilat do të ftohen që të vazhdojnë më tej. Nuk parashikohet ankim i vendimeve të marra nga komisioni. Çdo një hap në konkurs do të votohet nga Këshilli i Ministrave dhe Kuvendi Popullor.