Tempi i rritjes së Produktit real të Brendshëm Bruto të Bullgarisë gjatë vitit 2019 të bëhet 3.7%, duke shënuar një përshpejtim në krahasim me vitin 2018, kur rritja ishte 3.1%. Këtë e parashikon Banka Popullore Bullgare në pasqyrën e saj ekonomike për tremujorin e dytë të vitit 2019. Në analizën e saj për tremujorin e parë Banka Popullore Bullgare priste që rritja të ishte në kuadrin e asaj të vitit të kaluar, por tani ajo i ka bërë revizion prognozës së vet për shkak të punësimit më të madh, rritjes së të ardhurave, interesave të ulëta të kredive, të cilat do të vazhdojnë ta përkrahin rritjen e konsumit privat. Përmirësimi i parashikuar i aktivitetit të investitorëve gjithashtu do të përkrahë rritjen e konsumit të brendshëm, vë në dukje Banka Popullore Bullgare.