Kryeprokurori Sotir Cacarov kërkon hartimin e mekanizmit për kontroll të personave, të cilët marrin shtetasi bullgare për shkak të investimit të bërë në vendin tonë. Sipas tij procedura aktuale u jep mundësi shtetasve të huaj ta përdorin atë vetëm me qëllim marrjen e pasaportës në një vend që është pjesë e Bashkimit Evropian.

Para komisionit të përkohshëm parlamentare të krijuar në lidhje me rastin me shitjet e shtetësisë bullgare nga nëpunësit e Agjencisë Shtetërore për Bullgarët Jashtë Shtetit, Cacarov deklaroi se hetimet e zhvilluara nga Prokuroria dhe nga Agjencia Shtetërore për Sigurinë Kombëtare kanë treguar shumë shkelje dhe mungesën e mekanizmit për kontroll – kështu mjedisi është shumë i përshtatshëm për funksionimin e skemave për shitjen e shtetësisë bullgare.

Sipas Kryeprokurorit problemi mund të zgjidhet në se shtetësia jepet jo vetëm për investim fillestar, por edhe për zhvillimin e këtij investimi pas marrjes së shtetësisë. Varianti tjetër është që të mos ofrohet mundësi e tillë. Prokurori i përgjithshëm propozon që të hartohen rregulla të rrepta për dokumentet, me të cilat përfaqësuesit e minoriteteve bullgare në vendet fqinje provojnë prejardhjen e tyre bullgare.