Presidenti Rumen Raev merr pjesë në punën e Asamblesë së Përgjithshme vjetore të OKB-së në Nju Jork. Atje Radevi bisedoi me presidentin e Moldavisë Igor Dodon. Të dy pohuan se Universiteti i Taraklisë “Grigorij Cambllak” do të bëhet filial i Universitetit të qytetit Ruse (Bullgari Veriore) “Angell Kënçev”.

Gjatë bisedimeve me homologun e tij irakian Barham Salih Radevi ka prekur temën për zgjerimin e pranisë bullgare në shtetin arab në fusha si shëndetësia, arsimi dhe infrastruktura, ku Bullgaria ka pasur pozita të forta në të kaluarën.

Ministrja e punëve të jashtme Ekaterina Zaharieva, e cila gjithashtu merr pjesë në sesionin e OKB-së u takua me diplomatin e parë të Indisë Subrahmanyam Jaishankar. Me qëllim lehtësimin e partneritetit strategjik ndërmjet të dyja vendeve në 15 qytete indiane do të lëshohen viza për udhëtim në Bullgari – diçka që do të lehtësojë kontaktet midis njerëzve dhe bizneseve, nënvizuan të dy ministrat.