Vendimi gjyqësor për lirimin e parakohshëm të australianit Jock Polfreeman i cili ka qenë i dënuar  20 vjet burg shkon për shqyrtim në Inspektoratin Gjyqësor. Kjo u vendos nga trupi gjykues i Këshillit të Lartë Gjyqësor. Vendimi për lirimin e Polreeman-it  i Gjykatës së Apelit të Sofjes  ishte kritikuar nga përfaqësuesit  e grupeve të ndryshme parlamentare. Kundër tij organizuan protesta dhe partitë nacionaliste me kërkesë për verifikim të gjykatësve mbi paanshmërinë dhe pavarësinë e tyre.

Australiani vuan dënim nga viti 2007 për vrasjen e studentit Andrej Monov në qendër të Sofjes. Gjatë kohës së qëndrimit të tij në burgun bullgar Polfreeman ka mësuar me shkrim dhe me të folur gjuhën bullgare, ka mbaruar arsim të lartë dhe ka krijuar një organizatë joqeveritare për reformimin e sistemit të burgjeve në Bullgari.