53% prej të gjitha kurseve të detyrueshme të transportuesve të mallrave do të jenë me mauna pa mallra – kjo do të thotë se ato nuk do të sjellin të ardhura për kompanitë e transportit, përkundrazi – do të gjenerojnë vetëm humbje. 14 000 nëpunës do të humbin punën e tyre deri në vitin 2023, po të hyjë në fuqi paketa “Mobiliteti I” dhe në se pozita e Bullgarisë nuk merret parasysh. Këto të dhëna janë ofruar nga rrjeti global KPMG, pas anketës së zhvilluar në sektorin e transportit, dhe ato ishin prezantuar në Ministrinë e Transportit.

Kompanitë do të duhet të rritin shpenzimet e tyre operative për pushimin e shoferëve jashtë kabinës së kamionit dhe për përdorimin e parkingjeve, për karburante dhe për dieta. Kështu bizneset e vogla nuk do të mund të vazhdojnë të punojnë, kurse të mëdhatë do të zhvendosin selitë e tyre në vende të tjera të BE-së.

12 700 kompani në Bullgari punojnë në sektorin e transportit tokësor. 75% prej tyre janë firma të vogla, të cilat disponojnë me jo më shumë se 5 kamionë. Të punësuarit në to janë 42 500 veta me pagë mesatare mujore 1750 euro. 25 800 automjete bullgare kanë qarkulluar në territorin e Evropës gjatë vitit 2018.