Partneriteti i suksesshëm shumëvjeçar i Bullgarisë me korporatën “Mejxhi”  (Meiji Corporation) konsolidon mirëbesimin dypalësh dhe është një shembull për investitorët japonezë të cilët dëshirojnë të realizojnë projekte të tyre tek ne. Këtë e tha kreu i shtetit Rumen Radev në një takim me presidentin e Holdingut Mejxhi (Meiji Holdings) Kaxuo Kavamura dhe me presidentin e Shoqatës Aksionare Mejxhi, Kacunari Macuda (Katsunari Matsuda). Që nga 45 vjet kompania prodhon dhe shet kos në Japoni me markën “Kosi bullgar Mejxhi” sipas licencës dhe me përkrahjen e vendit tonë.
Takimi që u mbajt në Tokio ishte i pari në kuadrin e vizitës së presidentit bullgar në Japoni, ku ai ndodhet për ceremoninë e kurorëzimit të perandorit të ri Naruhito (Naruhito), njoftuan nga qendra e shtypit të kreut të shtetit.