Në takimin e parë me Ambasadoren e re të SHBA-së në Bullgari Herro Mustafa, që u mbajt në Këshillin e Ministrave, Kryeministri Bojko Borisov deklaroi se dialogu mes dy vendeve tona është i qëndrueshëm në të gjitha nivelet dhe po pret që marrëdhëniet të vazhdojnë të zhvillohen në këtë mënyrë të mirë. Kryeministri theksoi bashkëpunimin në fushën e mbrojtjes dhe sigurisë, si në plan bilateral, ashtu dhe në kuadrin e NATO-s. Sipas Borisovit ka një potencial të madh për bashkëpunim në fushën e sigurisë energjetike, të zhvillimit të teknologjive të larta, të arsimit, shkencës dhe kulturës.