Më 24 dhe 25 tetor në Bruksel të Belgjikës u mbajt një takimi i rregullt i ministrave të mbrojtjes të vendeve-anëtare të NATO-s. Në takim me një mandat të Ministrit të Mbrojtjes mori pjesë një delegacion në krye me Zëvendësministrin e Mbrojtjes Atanas Zaprjanov. Në qendër të debateve të Këshillit të Atlantikut të Veriut ishin ngjarjet në Siri, operacionet dhe misionet e Aleancës dhe procesi i gjenerimit të forcave. Në deklaratën e vet Zëvendësministri Atanas Zaprjanov prezantoi pozitën bullgare, sipas së cilës zgjidhja e qëndrueshme e konfliktit në Siri është e arritshme vetëm nëpërmjet mjeteve diplomatike, përfshi këtu dhe ato nën egjidën e OKB-së. Në pozitë nënvizohet se Bullgaria do të vazhdojë të sigurojë një përkrahje koherente ndaj përpjekjeve të bashkësisë ndërkombëtare për arritjen e paqes globale dhe sigurisë.