Komisioni Qendror i Zgjedhjeve publikoi rezultatet e zgjedhjeve lokale në vend për raundin e parë pas përfundimit të numërimit të të gjitha votave. Në kryeqytetin Sofja kryetarja e deritanishme e bashkisë Jordanka Fandëkova e fitoi raundin e parë me 36.42% dhe shkon në balotazh kundër Maja Manollovës me 27,7%. Në 9 qytete që janë qendra të rajonave - Vraca, Montana, Stara Zagora, Burgas, Veliko Tërnovo, Kërxhali, Gabrovo, Kjustendill dhe Haskovo kryetarët e bashkisë tanimë janë zgjedhur në raundin e parë, ku në 8 prej tyre fituesit janë kandidatët e partisë drejtuese GERB ose janë përkrahur prej saj. Në Kërxhali është rizgjedhur Hasan Azis nga Lëvizja për të Drejtat dhe Liritë. Balotazhe do të ketë dhe në 17 qytete të tjera që janë qendra rrethi, duke përfshirë qytetet e mëdha Plovdiv, Varna dhe Ruse.