16 pianistë nga Gjermania, Italia, Rusia, Kanadaja, Koreja, Japonia, Sllovakia, Bullgaria dhe Filipinet do të japin katër koncerte në qytetet bullgare të cilat u konkurruan për kryeqytet evropian të kulturës – Plovdiv (16 nëntor), Sofja (18 nëntor), Veliko Tërnovo (21 nëntor) dhe Varna (23 nëntor). Në program i cili do të realizohet nën drejtimin e Grigor Palikarovit ka vepra të kompozitorëve Karll Orf (Carl Orff), Xhoakino Rosini (Gioachino Rossini), Karll Çerni (Carl Czerny), Rihard Vagher (Richard Wagner), Dariues Mijo (Darius Milhaud), Xhorxh Gershuin (George Gershwin) еtj.

Ditën e koncertit në qytetin Veliko Tërnovo pianistë të talentuar do të kenë mundësi të përfshihen në klasën e mjeshtërve të pianistit bullgar profesor Tomisllav Bajnov. Në mësim do të marrin pjesë edhe panistë me karrierë botëtore si Vinfrid Rompf (Winfried Rompf), Doroti Ujtengsu (Dorothy Uytengsu), Zhenja Ljubenova-Keler (Jenia Lubenova-Keller) dhe Sirma Veliçkova (Sirma Velichkova). Veprimtaria kulturore është pjesë e programit “Plovdivi – Kryeqytet Evropian i Kulturës 2019”