Disa ditë para ditëlindjes së tij dhe një muaj para koncertit të tij të madh në sallën Arena Sofja, Ljubo Kirov prezantoi një këngë tjetër nga albumi "Zemra e re" - baladën e bukur "Gjithçka është në rregull". Teksti, si gjithmonë, është i Ljubos, Bojan Hristov është autori i muzikës, aranzhimi është sërish vepër e Angell Djullgerov.

"Kjo këngë mbart një mesazh të veçantë. Është një histori për momentet kur njeriu zhytet në vetvete. Është gjithmonë më e lehtë të dalësh kur dikush të thotë: Qetësohu, gjithçka është në rregull", thotë artisti.

“Gjithçka është në rregull" ka dhe një video shumë të bukur të krijuar me ide të Vasill Stefanovit dhe në të një pjesë të veçantë merr aktori i njohur Darin Angellov.

"Ideja në video ka nisur nga një kujtim i babait tim. Dashuria prindërore është e pa rezervë dhe shumë e ngjashme me dashurinë hyjnore", thotë Ljubo Kirov.

Fansat e Ljubo Kirovit do të kenë mundësinë të dëgjojnë live "Gjithçka është në rregull" dhe hitet e tij më të mëdha gjatë koncertit të tij më 28 nëntor në sallën Arena Sofja.