Kur kufizohet përdorimi i ndonjë resursi të dhënë, duhet të mendohet për alternativa. Këtë e deklaroi kryetari i Bashkimit të Gjahtarëve dhe të peshkatarëve në Bullgari inxhinieri Vasill Vasilev sa i përket diskutimit publik të Agjencisë Evropiane të Kimikateve për ndalimin e përdorimit të municioneve prej plumbi. Në qoftë se ndalimi aplikohet, interesat e gjahtarëve do të jenë shumë të prekura. Sipas fjalëve të Vasilevit plumbi nuk është pa alternativë, po materialet alternative nuk janë të padëmshme, prodhimi i tyre është shumë i kufizuar dhe çmimi do të jetë shumë i lartë. Një përqindje e madhe e gjahtarëve bullgarë, më në veçanti në vendbanimet më të vogla, përdorin armë, të prodhuara përpara më shumë se 20 vjetëve, të cilat nuk janë përshtatur për qitje me municione të tjera, shpjegon inxhinieri Vasilev në një intervistë për Radion Kombëtare Bullgare. Ndalimi do t'i prekë dhe të gjithë peshkatarët, sepse propozimi i Komisionit Evropian ka për qëllim të kufizojë dhe përdorimin e plumbit në peshat për peshkim.