SHBA-ja do të dërgojë një këshilltar të ri në ambasadën në Sofje, i cili të përgjigjet për temat e lidhura me lirinë e fjalës, superioritetin e ligjit dhe minoritetet, bëri të ditur ambasadorja amerikane Herro Mustafa. Diplomatja respektoi traditën e vjetër, sipas së cilës diplomatët amerikanë në Sofje e fillojnë mandatin e tyre me një ligjëratë para Klubit Atlantik. Në sferën ushtarake Sofja dhe Uashingtoni do të përpunojnë një plan 10 vjeçar për bashkëpunim, tha Mustafa. Deri tani kompanitë nga SHBA-ja kanë investuar mbi 2 mlrd dollarë në ekonominë bullgare, kanë krijuar mbi 30 000 vende pune dhe gjatë disa viteve në vijim do të përqendrohen te start up-kompanitë në sferën e teknologjive të informacionit. Energjetika është tema kyçe për Shtëpinë e Bardhë, ndërsa theksi në bisedimin midis Presidentit Donald Trump dhe Kryeministrit Bojko Borisov ka qenë tek mundësitë për shndërrimin e Bullgarisë në qendër energjetike në Ballkan, vuri në dukje ambasadorja.