Në vigjilje të Krishtlindjeve në treg u përhap libri “Bullgaria e dytë”, libër ky i cili paraqet jetën e emigrantit bullgar nëpërmjet historive personale të 50 bashkatdhetarëve tanë që banojnë në pika të ndryshme të botës. Autorja e librit është gazetarja Milena Dimitrova. “Këta njerëz nuk ikin nga e mira, por sikurse Bullgaria nuk i dëgjon, ose nuk ka përfytyrim të qartë se çfarë shkaktoi ky fluks i madh emigrantësh – milionë njerëz të mos jenë atje, ku kanë lindur, të shkëputen nga rrënjat e veta”, na tregoi autorja në një intervistë për BNR. Sipas saj ka nevojë që marrëdhëniet midis bullgarëve në botë dhe bullgarëve në vend, si dhe ato mes emigrantëve dhe shtetit të bëhen më adekuate, të matura dhe të sinqerta. Sipas të dhënave statistikore nga 2 deri në 3 mln bullgarë janë larguar nga Bullgaria pas ndryshimeve në vitin 1989.