Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

2019-ta – viti me rritje të radhës të investimeve të drejtpërdrejta të huaja në Bullgari

Tendenca e rritjes së investimeve të drejtpërdrejta të huaja në Bullgari po vazhdon dhe gjatë vitit 2019. Sipas të dhënave të Bankës Popullore Bullgare për periudhën janar-tetor ato janë afro 953.3 milionë euro dhe tejkalojnë me 554 milionë ato nga e njëjta periudhë e vitit të kaluar. Një volum më i madh i investimeve direkte neto është regjistruar nga Holanda /422 milionë euro/, Gjermania /233.7 milionë euro/ dhe Britania e Madhe /168.3 milionë euro/. Në pamje të parë rritja gjatë viteve të fundit nuk është dhe kaq e madhe. Por, duhet të shënohet se kapitalet e huaja tani u drejtohen kryesisht prodhimeve industriale dhe sektorëve me vlerë të lartë të shtuar, që krijojnë punësim të madh dhe rritje ekonomike, në ndryshim nga vitet përpara krizës, ku qe regjistruar një bum i investimeve të huaja, por ato qenë kryesisht në fushën e pasurisë së paluajtshme.

Pavarësisht nga tendenca pozitive në lëvizjen e investimeve të huaja drejt vendit, përpara autoriteteve qëndron detyra e vështirë të evitojnë tejkalimin e pabarazive të thella regjionale në shpërndarjen e kapitalit të huaj. Bullgaria Jugore dhe disa zonat e mëdha të formuara ekonomike rreth qyteteve Sofja, Plovdiv, Haskovo dhe Dimitrovgrad po vazhdon të jetë një magnet për një pjesë të madhe të investimeve të huaja. Me përjashtim të disa investimeve të mëdha në fushën e industrisë së automobilave në qytetin Vraca /Teklas dhe MD Elektronik/, në qytetin Lloveç /VOSS Automotiv/ dhe në qytetin Pleven /Leoni/, në rajonet e tjera të Bullgarisë Veriore investimet janë akoma të pamjaftueshme. Kjo sipas kryeministrit Bojko Borisov do të ndryshojë  thellësisht me ndërtimin e autostradës Hemus dhe të rrugëve të tjera bazë në këtë pjesë të vendit. Padyshim që infrastruktura është me një rëndësi të madhe për investuesit. Njëkohësisht struktura e keqësuar demografike e popullsisë në disa regjione dhe pakësimi i madh i popullsisë në qendrat e mëdha të rretheve e bën detyrën rreth tërheqjes së kapitalit të huaj jashtëzakonisht të ndërlikuar, për shkak të mungesës së krahut të kualifikuar të punës, të shkaktuar nga proceset e migracionit. 

Kërkesat e paraqitura për certifikimin e projekteve të reja investuese janë mbi 850 milionë euro, shpalli më herët gjatë vitit Agjencia Bullgare për Investimet. Kohët e fundit  në Sofje u bë  hapi i parë drejt njërit prej investimeve më të mëdha të huaja.

Agjencia Bullgare për Investimet firmosi një memorandum me kompaninë koreano-kineze “Songuo Motors” dhe me atë italiane –“Hadid Holding” me qëllim ndërtimin e një uzine për automjete elektrike. Të dyja firmat kanë dëshirë të investojnë në Bullgari 200 milionë dollarë. Pritet  që investimi i ardhshëm të krijojë hapjen e rreth 2000 vendeve të reja të punës.

Viti 2019 do të mbahet mend edhe me konkurrencën e ashpër për tërheqjen e një investuesi në fushën e industrisë së automobilave. Bullgaria e humbi garën me Turqinë në finale për uzinën e re të automobilave të firmës Volkswagen. Por, më pas gjiganti i makinave gjermane e ndaloi përkohësisht projektin për shkak të operacionit ushtarak të Turqisë në Siri, gjë e cila i hap një mundësi të re Bullgarisë që të mund të ndërhyjë në betejën për këtë investues strategjik dhe të propozojë kushte edhe më të mira nga ato fillestaret.

Në të njëjtën kohë për vitin e radhës emigrantët bullgarë jashtë shtetit mbase do të dalin se janë investuesi më i madh në vend. Vitin e kaluar transferimet e bankave private drejt Bullgarisë dolën në 1.17 miliardë eurot rekorde. 80% prej kësaj shume vjen nga vende të Bashkimit Evropian - 833 milionë euro, kurse 340 milionët e tjerë janë nga shtete të treta me bashkësi të mëdha bullgare, si Shtetet e Bashkuara, Kanadaja dhe Turqia. Sipas agjencisë Eurostat vetëm 4 vende nga Bashkimi Evropian marrin më shumë para nga emigrantët - Portugalia, Rumania, Polonia dhe Kroacia.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Nga nëntori do të ofrohet blerja e kartëmonedhave dhe monedhave euro në qarkullim

Nga nëntori, kartëmonedha dhe monedha euro do të jenë të disponueshme për blerje nga bizneset dhe qytetarët, përpara hyrjes së Bullgarisë në zonën euro më 1 janar 2026. Tregtarët duhet të furnizohen me kartëmonedha dhe monedha euro, në mënyrë që të..

botuar më 25-08-11 9.41.PD

Ekonomia e pritshmërisë– si frika nga rritja e çmimeve në fakt çon në rritjen e çmimeve

Pas muajsh me inflacion të ulët, madje edhe me një deflacion të përkohshëm, pra ulje të çmimeve në muajin prill të këtij viti, të paktën sipas të dhënave zyrtare të statistikës kombëtare, tendenca u përmbys papritur. Më 15 korrik, vetëm disa ditë pasi..

botuar më 25-08-08 7.55.MD

Pritjet e bullgarëve për inflacionin për 12 muajt e ardhshëm po rriten

Treguesi i përgjithshëm i besimit të konsumatorëve, ose, me fjalë të tjera, vlerësimi i tyre për të ardhmen e tyre ekonomike në Bullgari dhe situatën aktuale ekonomike, vazhdon të bjerë, dhe në korrik 2025 ra me 4.7 për qind në minus 21.1 për..

botuar më 25-08-08 3.06.MD