Gjatë vitit 2019 produkti i brendshëm bruto i Bullgarisë është 2.5 herë më i madh  nga produkti i brendshëm bruto gjatë vitit 1987, që është më i miri nga koha e socializmit. Kundrejt vitit më të keq nga tranzicioni, viti 1997, produkti i brendshëm bruto është 6 herë më i lartë, thotë Krasen Stançev, themeluesi i Institutit  për Ekonomi të Tregut. Nuk është e vërtetë se bullgarët harxhojnë më shumë për ushqim në Bashkimin Evropian. Sipas statistikës kombëtare shpenzimet e ekonomive shtëpiake për ushqim  janë 19.2% nga konsumi i përgjithshëm, ku përmirësimi kundrejt  vitit më të keq nga 20 vjetët e fundit (2010-37.2%) është pothuajse dyfish. Gjatë vitit 2019 shpenzimet për ushqim në Rumani janë 27.7%. Lituania dhe Estonia janë më keq, kurse gjendja në Hungari  është si ajo në Bullgari. Rrogat në Bullgari rriten dy herë më shpejt nga çmimet , kurse niveli i pagimit për 10 vjetët e fundit është më i larti në Bashkimin Evropian, komenton Stançev.