Misioni i NATO-së në Irak, në të cilin punojnë dy oficerë bullgarë do të evakuohet përkohësisht në ndonjë shtet fqinj, ndoshta në Kuvajt. Afati i qëndrimit të bullgarëve atje vazhdon akoma dy javë dhe atëherë do të ketë vendim për këtë a do të dërgohen bullgarë të tjerë në vendin e tyre, tha Ministri i mbrojtjes Krasimir Karakaçanov.

Sa i përket kërkesës së Parlamentit të Irakut që të gjitha forcat e NATO-së të tërhiqen nga shteti, Karakaçanovi komentoi se Aleanca tashmë shpalli se për arsye të lidhura me sigurinë e ushtarëve ndalon misionin e vet të stërvitjeve, pjesë prej të cilit janë ushtarët bullgarë. Por pas miratimit të këtij vendimi nga ana e Bagdadit, misioni prej 430 vetash duhet të përfundojë punë në kuadrin e një viti.

Nuk ka rrezik për sigurinë e dy bullgarëve, informoi Ministri dhe shtoi se kontakti me ta është i vazhdueshëm dhe ata sjellin informacion për situatën atje.