Në kuadrin e Takimit Vjetor të Forumit Ekonomik Botëror në Davos kryeministri Bojko Borisov u takua me presidentin e Azerbajxhanit Illham Aliev. Zoti Borisov theksoi, se bashkëpunimi në energjetikë midis Bullgarisë dhe Azerbajxhanit është në nivel strategjik. U vu në dukje, se prioritet i përbashkët i të dy shteteve është diversifikimi i burimeve dhe i traseve, dhe garantimi i sigurisë së furnizimeve energjetike për Evropën. Kryeministri Borisov theksoi, se Bullgaria gjithnjë ka përkrahur ndërtimin e Korridorit Jugor të Gazit pjesë e pandarë e të cilit është interkonektori Greqi-Bullgari, nëpërmjet të cilit vendi ynë do të marrë gaz natyror nga Azerbajxhani. Ai shprehu optimizëm përsa i përket mundësisë që Kompania Shtetërore Azerbajxhanase e Naftës  SOKAR të investojë në ndarjen e gazit në Bullgari.