Kolegjiumi i gjyqtarëve i Këshillit të Lartë Gjyqësor vendosi në një mbledhje të jashtëzakonshme në Sofje të kërkojë nëpërmjet Ministrisë së Punëve të Jashtme një informacion nga pala amerikane për ndalimin e SHBA-së, sipas të cilit gjyqtari bullgar Andon Mitallov nuk mund të hyjë në territorin amerikan. Ndalimi u shpall me një kërkesë nga sekretari amerikan i shtetit, ku saktësohet shkurtimisht se në cilësinë e zyrtarit Mitallov ka marrë pjesë në veprime korruptive në dëm të superioritetit të ligjit, të cilat komprometojnë seriozisht pavarësinë e institucioneve demokratike në Bullgari. Me rastin e komenteve të ndryshme sa i përket këtij rasti Ministrja e Jashtme Ekaterina Zaharieva deklaroi se “veprimet e Amerikës nuk janë kundër interesave të Bullgarisë”. Në Bruksel, ku është për një vizitë pune, Kryeministri Bojko Borisov refuzoi kategorikisht të komentojë temën.