Ministri i drejtësisë Danaill Kirillov i propozoi Këshillit të Lartë Gjyqësor që të shkarkojë nga detyra Andon Mitallovin nga Gjykata e Specializuar. Motivi është deklarata e sekretarit shtetëror të SHBA-së, në të cilën gjyqtari Mitallov është cilësuar si pjesëmarrës në “korrupsion të rëndë”.

Kirillov nënvizoi se rezultati i pafavorshëm për gjyqësorin dhe shtetin bullgar në përgjithësi është i padiskutueshëm dhe janë prekur thellë besimi dhe pavarësia e sistemit tonë gjyqësor. Kjo do të ndikojë dhe mbi vlerësimin ndërkombëtare sa i përket mundësisë për të zbatuar parimin e epërsisë së drejtësisë në Bullgari.

Sipas Ministrit gjyqtari Mitallov i ka lejuar në kundërshtim të ligjit një të akuzuari të dalë jashtë vendit, pa kërkuar mendimin e prokurorit përgjegjës. Ka ngritur çështje me karakter privat, pa pasur kompetenca procedurale dhe i ka shkelur detyrat e veta me paramendim.