Këshilli akademik i Universitetit të Sofjes “Shën Klementi i Ohrit" shpalli se ka marrë vendim t’ua marrë titullin e nderit “doctor honoris causa” Hans Frank, Bernhard Rust, Evdald Robert Valentin von Massow dhe Eduard Kohlrausch.
Hans Frank ka marrë titullin “doctor honoris causai shkencave juridike” gjatë muajit maj 1933 dhe ka qenë këshilltar personal juridik i Hitlerit. Gjatë tetorit të vitit 1939 u bë guvernator i përgjithshëm i Polonisë së okupuar. Është përgjegjës për vrasjen e qindra mijëra polakëve dhe për depërtimin e hebrenjve polakë. Në Procesin e Nyrëmbergut është dënuar me vdekje për krime ushtarake dhe krime kundër njerëzimit.
Bernhard Rust ka marrë titullin “doctor honoris causai shkencave filozofike” gjatë tetorit të vitit 1940. Para kësaj, si ministër i kulturës, edukimit dhe arsimit popullor nga viti 1934, pushoi nga puna 1000 pedagogë universitarë (hebrenj, socialdemokratë etj.), kufizoi vetadministrimin akademik dhe imponoi atmosferën nacionalsocialiste dhe përshëndetjen naziste në shkolla. E vrau veten në vigjilje të kapitullimit të Gjermanisë.
Evdald Robert Valentin von Massow e ka marrë titullin “doctor honoris causa i të drejtave juridike” gjatë muajit maj të vitit 1939. Ai ka qenë gjeneral-major i ushtrisë së Prusisë, ndërsa gjatë Luftërave Ballkanike është dërguar në shtabin e përgjithshëm bullgar. Në vitin 1929 u njoh me Hitlerin dhe më vonë u bë anëtar i Partisë Nacionalsocialiste Gjermane të Punëtorëve. Që në vitin 1939 filloi karrierë në trupat e mbrojtjes /organizatë kryesore paraushtarake nën udhëheqjen e Adolf Hitlerit dhe Partisë Naziste /dhe në vitin 1939 arriti deri në postin e gjeneral-togerit. Pas vdekjes së tij është varrosur me nderime të mëdha.
Eduard Kohlrausch u bë “doktor honoris kauza i shkencave juridike” gjatë majit të vitit 1939. Ai ka qenë jurist dhe rektor i universitetit Humboldt (në atë kohëFriedrich-Wilhelms-Universität zu Berlin) nga viti 1932 deri në vitin 1933. Është një prej krijuesve të zakoneve të Nyrëmbergut, të cilat krijojnë themelin e ideologjisë antisemite dhe raciste.
Heqja e titujve të nderit iu propozua rektorit të Universitetit të Sofjes në një letër dërguar nga Lea Koeni – kryetarja e Asociacionit të të Mbijetuarve nga Holokausti në Bullgari dhe të fëmijëve të tyre. Vendimi u mor pas një kontrolli strikt të të dhënave në letër dhe për shkak të faktit se autoriteti i institucionit akademik nuk lejon që doktorët e tij të nderit të jenë persona të lidhur me ideologjinë e urrejtjes, ose me krime të tjera, thuhet në njoftimin e drejtorisë së Universitetit të Sofjes.
Përpiloi: Stoimen Pavllov
Përgatiti në shqip: Vesella MançevaPresidenti i Republikës së Bullgarisë Rumen Radev uroi të gjithë bullgarët në vendin tonë dhe në mbarë botën me rastin e Vitit të Ri 2025 dhe u uroi paqe, shëndet dhe prosperitet. “Bota po përcjell një vit plot rreziqe. Luftërat po bëhen më të..
“Siguria, Evropa” është motoja e Presidencës polake të Këshillit të Bashkimit Evropian, e cila fillon më 1 janar. Ajo përkon me një periudhë pasigurie rreth luftës në Ukrainë, hyrjen e ardhshme në detyrë të Presidentit të porsazgjedhur të SHBA-së, Donald..
Një vit i mbarë për Agjencinë Ekzekutive për Bullgarët Jashtë Vendit, në të cilin gjithçka u zhvillua ashtu siç duhej – kështu e përmblodhi vitin 2024 drejtuesja e saj, Rajna Manxhukova. Në një intervistë për Radio Bullgarinë, ajo shprehu kënaqësinë për..
Në vitin 2024, ne bullgarët shfrytëzuam në mënyrë aktive motorin e kërkimit Google për t'u informuar rreth temave që pasqyrojnë atë që po ndodh në botë..