Autoritetet greke kërkuan nga Bullgaria të lëshojë në mënyrë të kontrolluar ujin e liqenit artificial “Ivajllovgrad” për të penguar migrantët ilegal të kalojnë lumin Marica. Televizionet greke “Star” dhe “Antena” transmetuan reportazhe për rritjen e kontrolluar të nivelit të lumit. Me kërkesë të Athinës u hap penda e liqenit artificial Ivajllovgrad. Rritja e ujërave të lumit Marica është me rëndësi strategjike për mbrojtjen e kufirit greko-turk pranë Evrosit. Uji mbyti një urë të cilën emigrantët e shfrytëzuan për hyrje ilegale në Greqi. Kufiri në rajonin e Evrosit ruhet ditë e net bashkë me forca të Agjencisë Evropiane “Fronteks” dhe reparte të specializuara policore qipriote.